သျှမ်းပြည်နယ် တောင်ပိုင်း ရွာငံမြို့နယ်တွင် ငွေကျပ် ၁.၁ ဘီလီယံကျော် တန်ဖိုးရှိ မူးယစ်ဆေးဝါးများကို ဖမ်းဆီးရမိကြောင်း စုံစမ်းသိရှိရသည်။
ဖြစ်စဉ်မှာ ဇန်နဝါရီ ၄ ရက် နေ့လည်ပိုင်းတွင် ရွာငံမြို့နယ်၊ ရွာငံ-ကျောက်ဆည်သွားကားလမ်း၊ကျောက်ဂူပြင်ကျေးရွာ အနီး တွင် စိုင်းမြင့်ဆန်း(ခ) အိုက်ကျွတ် မောင်းနှင်ပြီး ချမ်းသာ လိုက်ပါလာသည့် ၁၂ ဘီးမော်တော်ယာဉ်အား စစ်ဆေးရှာဖွေရာ ယာဉ်နောက် ဘော်ဒီ အရှေ့ပိုင်းတွင် အံဝှက်ပြီး ဆာလာအိတ်ဖြင့် ထည့်သွင်းလာသည့် ဘိန်းဖြူ ၁၂.၅၄ ကီလို၊ စိတ်ကြွရူးသွပ်ဆေးပြား ၂၀၀၀၀၀၀ ပြားသိမ်းဆည်းရမိခဲ့ကြောင်းမူးယစ်ရဲတပ်ဖွဲ့ထုတ်ပြန်ချက် အရသိရသည်။
ဆက်လက်စစ်ဆေးဖော်ထုတ်ချက်အရ ညနေပိုင်းတွင် နောင်ချိုမြို့နယ်၊ မိုင်တိုင်အမှတ်(၈၀/၄) အနီးတွင် မူးယစ်ဆေးဝါးသယ်ဆောင်ခိုင်းသူ စိတ်ရွှေ နှင့် ရန်ကြားစင်တို့အား ဆိုင်ကယ် ၁ နှင့် အတူဖမ်းဆီးရမိကြောင်းသိရသည်။
အဆိုပါ စိုင်းမြင့်ဆန်း(ခ) အိုက်ကျွတ် ၄၂ နှစ်၊ ချမ်းသာ ၃၆ နှစ်၊ စိန်ရွှေ ၃၄ နှစ်၊ ရန်ကြားစင် ၂၇ နှစ် တို့ကို ဥပဒေဆိုင်ရာ အမှုဖွင့်အရေးယူထားကြောင်း ထုတ်ပြန်ချက်တွင်ရေးသားထားသည်။
အဆိုပါ ဖမ်းဆီးရမိသော မူးယစ်ဆေးဝါများကို မိုင်ရယ်မြို့နယ်မှ မန္တလေးမြို့သို့ ပို့ဆောင်သွားမည်ဖြစ်ကြောင်းသိရသည်။
Leave a Comments