အစိုးရသစ်လက်ထက်တွင် သျှမ်းပြည်နယ်တွင်း အဂတိလိုက်စားမှုဖြင့် အရေး ယူဆောင်ရွက်ထားရလောက် သည့်ကိစ္စမရှိ သေးဟု သျှမ်းပြည်နယ် အစိုးရ ကိုယ်စားသျှမ်းပြည်နယ်ရဲတပ်ဖွဲ့မှ ရဲမှူးခင်ဇော်ကပြောသည် ။

“ လက်ရှိအနေအထားမှာ ကျနော်တို့သျှမ်းပြည်နယ်အတွင်းမှာ အဂတိလိုက် စားမှုအထိကို ရောက်တဲ့ဟာတော့မရှိသေးဘူး ၊ ကျတော့ သက်ဆိုင်ရာ ဌာနဆိုင်ရာအနေနဲ့အရေးယူထားတာမျိုးပဲရှိပါတယ် ။ ဥပမာ မြန်မာနိုင်ငံ ရဲတပ် ဖွဲ့အနေနဲ့ဆိုရင် ရဲစည်းကမ်းဥပဒေနဲ့အရေးယူ ထားတာတော့ (၆) ယောက်ရှိပါတယ် ” ဟု ရဲမှူးခင်ဇော် ကပြောသည် ။

သျှမ်းပြည်နယ်တွင်း အဂတိလိုက်စားမှုဖြင့် အရေးယူဆောင်ရွက်ထားခြင်း မရှိသော်လည်း သက်ဆိုင်ရာ ဌာနဆိုင်ရာအဖွဲ့အစည်းဥပဒေဖြင့် အရေးယူ ဆောင်ရွက်ထားလျှက်ရှိကြောင်း ၊ မြန်မာနိုင်ငံရဲတပ်ဖွဲ့မှလည်း ရဲဥပဒေဖြင့် အရေးယူ ထားပြီး အထွေထွေ အုပ်ချုပ်ရေးဦးစီးဌာန မှလည်းယင်းဥပဒေ စည်းမျဉ်းများဖြင့် အရေးယူ ထားခြင်းမျိုးသာရှိကြောင်း ၄င်းက ဆက်လက် ရှင်းပြသည် ။

သျှမ်းပြည်နယ်အစိုးရအတွင်းရေးမှူး ဦးစိုးစိုးဇော် မှလည်း “ ဒီမေးခွန်းနဲ့ပတ် သက်လို့ကျနော့်ဌာနနဲ့ ပတ်သက်ပြီး ကျနော်သိတာ ရှင်းပြချင်တယ်။ ဒီအ ဂတိလိုက်စားမှုနဲ့ပတ်သက်လို့ ကွန်ဟိန်း ၊ မိုင်းဆန် ဘက်မှာသစ်မှောင်ခို ဖမ်းတဲ့ကိစ္စနဲ့ပတ်သက်ပြီး ကျနော်တို့အထွေထွေအုပ်ချုပ်ရေးဦးစီးဌာနက ၀န်ထမ်း (၂) ဦးအရေးယူထားတာရှိပါတယ်” ဟု ဆိုသည် ။

မေလ (၂၅) ရက်နေ့က သျှမ်းပြည်နယ်အစိုးရအဖွဲ့၏ ပြည်သူ့အတွက်ဒုတိယ တစ်နှစ်တာပြုပြင်ပြောင်း လဲရေး ဆောင်ရွက်ချက်များ နှင့်ပတ်သက်၍ သတင်းမီဒီယာများအား အသိပေးရှင်းလင်းခြင်း အခမ်းအနားတွင် သျှမ်းသံတော်ဆင့်မှ သျှမ်းပြည်နယ်တွင် အဂတိလိုက်စား မှုနှင့်ပတ်သက်အရေးယူ ဆောင်ရွက် ထားမှု အခြေအနေအားမေးမြန်းရာ သျှမ်းပြည်နယ်အစိုးရအ ဖွဲ့အတွင်းရေးမှူး နှင့် သျှမ်းပြည်နယ်ရဲ တပ်ဖွဲ့မှူးမှထိုသို့ ပြန်လည်ဖြေကြား ခဲ့ခြင်းဖြစ်သည် ။

လေးကြိမ်မြောက် ပြင်ဆင်သည့် အဂတိလိုက်စားမှု တိုက်ဖျက်ရေးဥပဒေကြမ်းကို မတ်လ ၅ ရက်နေ့က အမျိုးသား လွှတ်တော်တွင် အဂတိလိုက်စားမှု တိုက်ဖျက်ရေးကော်မရှင် အတွင်းရေးမှူး ဦးစန်းဝင်းက တင်သွင်းလိုက်သည်။
အဆိုပါဥပဒေကြမ်းတွင် – အရေးယူနိုင်တဲ့ ပြစ်မှုတစ်ခုခုကို မည်သူမဆို ပြည်တွင်းမှာ ဒါမှမဟုတ် မြန်မာနိုင်ငံရဲ့ တည်ဆဲ ဥပဒေအရ မှတ်ပုံတင်ထားတဲ့ ရေယာဉ် ဒါမှမဟုတ် လေယာဉ်တစ်ခုခုပေါ်မှာ ကျူးလွန်ရင်ဖြစ်စေ၊ မြန်မာနိုင်ငံသား မြန်မာနိုင်ငံမှာ အမြဲနေတဲ့ ဒါမှမဟုတ် နေထိုင်ခွင့်ပြုတဲ့ နိုင်ငံခြားသားက ပြည်ပမှာကျူးလွန်ရင်လည်း စီရင်ခွင့်ရှိ ရမယ် – ဟုပါရှိပါသည်။

မူလဥပဒေတွင်မူ – အမိန့်ချမှတ်ခြင်းခံရသူဟာ ခြောက်လထက်မပိုသော ထောင်ဒဏ် ဟုပါရှိပြီး ဥပဒေကြမ်းတွင် သုံးနှစ်ထက်မပိုသော ထောင်ဒဏ် ကျခံရမည်ဟု ပါရှိပါသည်။