သျှမ်းပြည်တွင် ကိုဗစ်-၁၉ အတည်ပြု လူနာ (၇၃၀) ဦး ရှိကြောင်း စုံစမ်းသိရှိရသည်။
ဒီဇင်ဘာ (၁၅) ရက် စာရင်းအရ သျှမ်းပြည်တွင်း ကိုဗစ်-၁၉ အတည်ပြု လူနာ သျှမ်းပြည်တောင်ပိုင်းတွင် ၄၃၇ ဦး၊ သျှမ်းပြည်မြောက်ပိုင်းတွင် ၁၄၂ ဦး သျှမ်းပြည်အရှေ့ပိုင်းတွင် ၁၂၅ ဦးရှိကြောင်းလည်း သျှမ်းပြည်နယ်ကျန်းမာရေးဌာနက ဖော်ပြထားသည်။ ထိုအနက် သေဆုံးသူ (၃) ဦး နှင့် ဆေးရုံဆင်းခွင့်ရသူ ( ၅၆၇) ဦး ရှိကြောင်း သျှမ်းပြည်နယ် အစိုးရထံ မှ စုံစမ်းသိရှိရသည်။
သျှမ်းပြည်တောင်ပိုင်း နှင့် သျှမ်းပြည်အရှေ့ပိုင်းတွင် ကိုဗစ်-၁၉ အတည်ပြု လူနာ အများဆုံး ရှိကြသည်။
ဒီဇင်ဘာ(၁၅) ရက် ည (၈) နာရီ ထုတ်ပြန်ချက်အရ မြန်မာနိုင်ငံတွင် ကိုဗစ်-၁၉ အတည်ပြု လူနာ အသစ် (၁၁၅၅) ဦး ၊ ဆေးရုံဆင်းခွင့်ရသူ (၁၂၈၇) ဦး နှင့် သေဆုံးလူနာ (၂၇) ဦးရှိကြောင်း ကျန်းမာရေး နှင့် အားကစားဝန်ကြီးဌာန ထုတ်ပြန်ချက်အရ သိရသည်။
ယခုလက်ရှိချိန်တွင် မြန်မာနိုင်ငံတွင် ကိုဗစ်-၁၉ အတည်ပြု လူနာ စုစုပေါင်း (၁၁၀၆၆၇) ဦး၊ ဆေးရုံဆင်းခွင့်ရသူ ( ၈၉ ၄၁၈)ဦး နှင့် သေဆုံးသူ (၂၃၁၉ ) ဦး ရှိကြောင်း သိရသည်။
