သျှမ်းပြည်တောင်ပိုင်း ပင်လုံမြို့တွင်ရှိဈေးများကို အချိန်ကန့်သတ်ပြီး ဖွင့်ခွင့်ပြုသွားမည် ဟု စုံစမ်းသိရှိရသည်။
လွိုင်လင်မြို့နယ်တွင် ကိုဗစ် ၁၉ ပိုးတွေ့လူနာ တွေ့ရှိလာပြီး ပင်လုံမြို့သားများပါ ထိတွေ့သူ ရှိလာနိုင်သဖြင့် ဈေးကို အကန့်အသတ်ဖြင့် ဖွင့်ခွင့်ပြုတော့ မည်ဖြစ်ကြောင်းသိရသည်။
“ လွိုင်လင်မြို့မှာလဲ ကိုဗစ် ပိုးတွေ့လာပြီ။ သူတို့ဖက်ကနေလဲ ထိတွေ့သူတွေက ပင်လုံမြို့ကို လာတာရှိတယ်။ ဒါကြောင့် ဈေးကို အကန့်သတ်နဲ့ဖွင့်ခိုင်းလိုက်တာပါ” ကိုဗစ် ၁၉ ကာကွယ်ရေးကော်မတီ ကိုမိုးက သျှမ်းသံတော်ဆင့်ကို ပြောသည်။
ပင်လုံမြို့ မြို့မဈေးတွင် စားသောက်ကုန်၊ စားသောက်ဆိုင်နှင့် ဆေးပစ္စည်းတို့ကို ရောင်းချခွင့်ပြုပြီး ဘုရားရှေ့ဈေးကို မြို့သစ်လမ်းမဘေးသို့ ပြောင်းရွှေ့ရောင်းချစေသည် ဟု ကိုမိုးက ပြောသည်။
“မြို့မဈေးကို မနက် ၅ နာရီကနေပြီးတော့ နေ့လည် ၁၂ ထိရောင်းချခွင့်ဘဲပြုတော့မယ်။ အဲမှာက စားသောက်ကုန်နဲ့ ဆေးတွေပေါ့ အဓိကရောင်းရမှာကတော့ မြို့သစ်ဈေးကိုတော့ ဟင်းသီးဟင်းရွက်နဲ့ ကုန်စိမ်းတွေကိုပေါ့” ဟု ကိုမိုးက ပြောသည်။
ထိုသို့ မြို့မဈေး ပိတ်လိုက်ရသဖြင့် ဈေးဘေး စားသောက်ဆိုင်ဖွင့်ထားသည့် စျေးသည်တစ်ချို့ စားဝတ်နေရေးအတွက် အခက်အခဲများစွာ ရှိနေကြောင်းသိရသည်။
ဈေးဘေး စားသောက်ဆိုင်ပိုင်ရှင် ပါအောင်က “ ၁၂ နာရီထိဘဲဖွင့်ရတယ်ဆိုတော့ ဆိုင်ပိတ်ထားရသလိုဘဲ။ ဘာမှလဲမရောင်းရသေးဘူး။ စားဝတ်နေရေးအတွက်တော့ အခက်ခဲအများကြီးဘဲ” ဟု ပြောသည်။
လွိုင်လင်မြို့နယ်တွင် ကိုဗစ် ၁၉ အတည်ပြုလူနာ ၁၄ ယောက်အထိ ရှိလာသဖြင့် ကိုမိုးက “ ပြည်သူတွေ အပြင်ထွက်ရင် mask တပ်ပေးပါ။ လက်ကို မကြာခဏဆေးပေးပါ။ ကျန်းမာရေး နှင့် အားကစားဝန်ကြီးဌာန တို့က ထုတ်ပြန်ထားတဲ့ စည်းကမ်းချက်ကို လိုက်နာပေးပါ” ဟု ထက်လောက်ပြောသည်။
ပင်လုံမြို့မဈေးတွေကို မနေ့ က ဒီဇင်ဘာ ၁၅ ရက်ကစပြီး ၁၅ ရက်ကြာ ပိတ်သွားမည်ဖြစ်ကြောင်း သိရသည်။
Leave a Comments