သျှမ်းပြည်မြောက်ပိုင်း သီပေါမြို့နယ်အတွင်း အမူးသမားတစ်ဦးက မိမိဆိုင်ကယ် (၃) စီးကို ပြန်လည်မီးရှို့မှု ဖြစ်ပွားခဲ့ကြောင်း စုံစမ်းသိရှိရသည်။
သီပေါမြို့နယ် ညောင်ကိုးပင်ရွာတွင် ဒီဇင်ဘာ (၁၃) ရက် မွန်းလွဲ (၁၂) နာရီဝန်းကျင်ခန့်က အရက်သောက်ထားသည့်လူတစ်ဦး နေအိမ်အဆာက်အဦး ရှေ့ခြံဝင်းအတွင်း မိသားစုဝင်များ၏ ဆိုင်ကယ် (၃) စီး စုပုံပြီး ဓါတ်ဆီလောင်းကာ မီးရှို့ခဲ့ရာ ဆိုင်ကယ် (၃) စီးလုံး မီးလောင်ကျွမ်းခဲ့ကြောင်း သီပေါဒေသခံ စိုင်းလောဝ် က သျှမ်းသံတော်ဆင့် ကိုပြောသည်။
“ဆုံးရှုံးမှု တန်ဖိုးကတော့ (၁၃) သိန်းလောက်ရှိမယ်။ ထိခိုက် ဒဏ်ရာ ရရှိတဲ့သူတွေတော့ မရှိပါဘူး။” ဟု စိုင်းလောဝ် က သျှမ်းသံတော်ဆင့် ကိုပြောသည်။
မိမိဆိုင်ကယ်ဖြင့် မီးရှို့သူမှာ ဦးစိုင်းခမ်းလူ ဖြစ်ပြီး ၄င်းကို ပုဒ်မ (၃၄၅) ဖြင့် အမှုဖွင့်ထားကြောင်း သိရသည်။
“မနေ့ညကတည်းက သူ့ကို အချုပ်မှာ ထားထားတယ်။ ဒီနေ့တော့ ရမန်ယူရမယ့်ရက် ရမန်ယူပြီးတော့ ထောင်ကြီး ကို ပို့မှာပေါ့နော်။ ပုဒ်မ (၄၃၅) နဲ့ အမှုဖွင့်ထားတယ်လို့ သိရတယ်။” ဟု ဒေသခံ စိုင်းလောဝ် က ပြောသည်။
ဖြစ်စဉ်နှင့် ပတ်သက်ပြီး ဦးစိုင်းခမ်းလူ ကို သီပေါမြို့မ ရဲစခန်းမှာ (ပ)၁၂၄/၂၀၂၀ ၊ ရာဇသတ်ကြီး ဥပဒေ ပုဒ်မ-၄၃၅ မီးရှို့ဖျက်ဆီးမှုနှင့် အမှုဖွင့် အရေးယူထားပြီး အသေးစိတ်များကို စစ်ဆေးလျှက်ရှိကြောင်း သိရသည်။
Leave a Comments