သျှမ်းပြည်တောင်ပိုင်း လဲချားမြို့ နယ်တွင် ကိုဗစ် -၁၉ အတည်ပြုလူနာ ၂ ဦး စတင်တွေ့ရှိကြောင်း စုံစမ်းသိရှိရသည်။
အဆိုပါ ကိုဗစ်-၁၉ လူနာ ၂ ဦးသည် ရန်ကုန်မှ ပြန်လာသူဖြစ်ပြီး၊ လဲချားမြို့တွင် Quarantine ဝင်ထားသူများဖြစ်ကြောင်း လဲချားမြို့နယ် အုပ်ချုပ်ရေးမှူး ဦးသန်းနိုင် က သျှမ်းသံတော်ဆင့်ကိုပြောသည်။
“ သူတို့က ရန်ကုန်မှာ သင်တန်းသွားတက်ဖို့သွားတာ။ သင်တန်းကလဲ တက်လို့မရတော့ ပြန်လာတာပါ။ ပြန်လာတာက ကားစင်းလုံးငှားပြီးတော့ ပြန်လာတာပါ။ ကောင်းမလေး ၂ ယောက်ပါ ”ဟု လဲချားမြို့နယ် အုပ်ချုပ်ရေးမှူး ဦးသန်းနိုင်ကပြောသည်။
ထိုအမျိုးသမီး ၂ ဦးသည် တစ်ဦးမှာ ပင်လုံသူတစ်ဦး ဖြစ်ပြီ၊းကျန်တစ်ဦး လဲချားသူတစ်ဦး ဖြစ်ကြောင်းသိရသည်။
“ ပင်လုံကတစ်ယောက်ကသူအိမ်ထဲကိုမဝင်လိုက်ရဘူး။ လဲချားတန်းလာလိုက်တာ။ လဲချားကနေလည်း အိမ်ထဲမပေးဝင်ဘူး။ Quarantine တစ်ခါထဲဝင်ခိုင်းထားတယ်” ဟု ဦးသန်းနိုင်ကပြောသည်။
အဆိုပါ ၎င်း အမျိုးသမီး ၂ ဦးနှင့် ထိတွေ့သူ လဲချားသူ၏ မိဘများသာရှိကြောင်း ဦးသန်းနိုင်ကပြောသည်။
“ သူမိဘက ထမင်းလာပို့တာတော့ရှိတယ်။ သူတို့ မိဘတွေကိုလည်း အခု Quarantine ဝင်ထားခိုင်းလိုက်ပါပြီး” ဟု ဦးသန်းနိုင်က ထက်လောင်းပြောသည်။
အလားတူ လဲချားမြို့တွင် ကိုဗစ်-၁၉ ပိုးတွေ့လူနာ ၂ ဦးစတင်တွေ့ရှိလာသောကြောင့် ပြည်သူများအနေဖြင့် စိုးရိမ်မှုများရှိနေကြောင်း သိရသည်။
“ လဲချားမှာ ၂ ယောက်တွေ့တယ်လို့ သိလိုက်တာနဲ့ လဲချားမြို့ကလူတွေကလည်း သွားလာတာသိပ်မရှိတော့ဘူး။ ရပ်ကွပ်အုပ်ချုပ်ရေးမှူးတွေကလည်း မလိုအပ်ရင် အပြင်မထွက်ကြနဲ့လို့ဆိုပြီး ပြောထားတယ်” လဲချားဒေသခံ နန်းဖွေးဆိုင်က ပြောသည်။
မြန်မာနိုင်ငံတွင် ဒီဇင်ဘာ ၃ရက် ည ၈ နာရီထိ ကိုဗစ် -၁၉ အတည်ပြုလူနာ (၉၅၀၁၈)ရှိပြီး ဆေးရုံဆင်းခွင့်လူနာ (၇၃၇၄၈) နှင် သေဆုံးသူ (၂၀၂၈ ) ရှိကြောင်း ကျန်းမားရေးနှင့်အားကစားဝန်းကြီးဌာန ထုတ်ပြန်ချက်အရသိရသည်။
Leave a Comments