သျှမ်းပြည်အရှေ့ပိုင်း တာချီလိတ်မြို့တွင် ယနေ့ (ဒီဇင်ဘာ ၂) ရက်တွင် အသက် ၂နှစ် အရွယ် ကလေး တဦးထံ ကိုဗစ်-၁၉ တွေ့ရှိကြောင်း စုံစမ်းသိရှိရသည်။
ယနေ့ ဒီဇင်ဘာ ၂ရက်နေ့ တွင် တာချီလိတ်တွင် ကိုဗစ် -၁၉ အတည်ပြုလူနာ (၅) ဦးရှိပြီး၊ ထိုထဲတွင် အသက် (၂) နှစ် အရွယ် ကလေးငယ်တစ်ဦးလည်း ပါဝင်ထားကြောင်း တာချီလိတ်ခရိုင် ဆေးရုံအုပ် ဒေါက်တာလင်းထွဋ်ဦးက သျှမ်းသံတော်ဆင့်ကို ပြောသည်။
“ဒီနေ့အားလုံးပေါင်း ၅ ဦးတိုးပါတယ်။ အသက် (၂) နှစ်အရွယ် ကလေးပါတယ်။” ဟု တာချီလိတ်ခရိုင် ဆေးရုံအုပ် ဒေါက်တာလင်းထွဋ်ဦး က ပြောသည်။
ဧပြီ (၄) ရက်နေ့မှ ဒီဇင်ဘာ (၁) ရက်နေ့ထိ တာချီလိတ်မြို့မှာ ကိုဗစ် -၁၉ လူနာ စုစုပေါင်း (၆၈) ဦး ရှိသွားပြီဖြစ်ကြောင်း ဒေါက်တာလင်းထွဋ်ဦး ကပြောသည်။
“လက်ရှိ ဆေးရုံဆင်းသွားတဲ့သူ (၁၄) ဦးပါ။ ကျန်တဲ့ သူအားလုံး ဆေးရုံတက်နေပါတယ်။” ဒေါက်တာလင်းထွဋ်ဦး ကပြောသည်။
မြန်မာတဝှမ်းတွင် ဒီဇင်ဘာ (၁) ရက် ညနေ (၈) နာရီ ထုတ်ပြန်ချက်အရ ပိုးတွေ့ရှိသူ (၉ ၂၁၈၉ ) ဦး၊ ဆေးရုံဆင်းခွင့်ရသူ (၇၁၃၄၃) ဦး နှင့် သေဆုံးသူ (၁၉ ၇၂) ဦး တို့ ရှိကြောင်း ကျန်းမာရေး နှင့် အားကစားဝန်ကြီးဌာနက ထုတ်ပြန်ချက်အရ သိရသည်။
