သျှမ်းပြည်အရှေ့ပိုင်း တာချီလိတ်မြို့ ကိုဗစ် -၁၉ အတည်ပြုလူနာနှင့်ထိတွေ့သူ ၄ ဦး ပိုးထပ် တွေ့ရှိ ကြောင်း စုံစမ်းသိရ သည်။
ယနေ့ (နိုဝင်ဘာ ၂၇) တွင် တာချီလိတ်မြို့မှ အတည်ပြုလူနာနှင့် ထိတွေ့သူ(၇)ဦးကို RDT ဖြင့်စစ်ဆေးရာ ၄ ဦး ကိုဗစ်-၁၉ ထပ်တွေ့ရှိခဲ့ကြောင်း၊ ထိုတွေ့ရှိသူ ၄ ဦးမှာ အမျိုးသား ၁ ဦးနှင့် အမျိုးသမီး ၃ ဦးတို့ဖြစ်ကြောင်း သျှမ်းပြည်နယ်အရှေ့ပိုင်း ကျန်းမားရေးဦးစီးဌာန ၏ လက်ထောက်ညွှန်ကြားရေးမှူး (တိုးချဲ့ကာကွယ်ဆေး/ကူးစက်) ဒေါက်တာလင်းထွဋ်ဦး က သျှမ်းသံတော်ဆင့်ကို ပြောသည်။
ထိုပိုးတွေ့သူများသည် တာချီလိတ် ကိုဗစ်-၁၉ အတည်ပြုလူနာ အမျိုးသမီး နှင့်အတူ ကျိုင်တုံမြို့တို့ သွားရောက် လည်ပတ်ခဲ့သူများ ဖြစ်ကြောင်းသိရသည်။
“ သူတို့က ကျိုင်းတုံကိုအတူလိုက်သွားလည်တဲ့သူတွေဖြစ်ကြတယ်။ ၄ယောက်တွေ့တာပါ။ သူက တာချီလိတ် ဟိုတယ်တစ်ခုမှာအလုပ်လုပ်တယ်လို့တော့သိရတယ်” ဟု ဒေါက်တာလင်းထွဋ်ဦး က သျှမ်းသံတော်ဆင့်ကို ပြောသည်။
အဆိုပါ တာချီလိတ်မှ ပိုးတွေ့လူနာသည် ဟိုတယ်တစ်ခုတွင် အလုပ်လုပ်ခဲ့ပြီး နိုဝင်ဘာ ၁၆ ရက်နေ့က အလုပ်ထွက်ခဲ့ပြီး ၎င်းနှင့် ထိတွေ့သူ ဟိုတယ်ဝန်းထမ်းများ (၁၇ )ဦးရှိပြီး၊ ထိုသူများကို အသွားလာ ကန့်သတ်ထားကြောင်း၊ ၎င်းတို့ကို နိုဝင်ဘာ ၂၈ တွင် စစ်ဆေးသွားမည် ဖြစ်ကြောင်း ဒေါက်တာလင်းထွဋ်ဦးက ပြောသည်။
ယခုရက်ပိုင်း သျှမ်းပြည်နယ်တစ်ဝှမ်းတွင် ကိုဗစ် ၁၉ အတည်ပြုလူနာ နေ့စဉ်နှင့် အမျှ တွေ့ရှိနေရပြီး ဆရာဝန်များက အပြင်ထွက်တိုင်း Mask(နှာခေါင်းစည်း) များကို စနစ်တကျ တပ်ပေးကြရန် အကြုံပြုခဲ့ကြကြောင်းသိရသည်။
မြန်မာတဝှမ်းတွင် ကိုဗစ်-၁၉ လူနာ စုစုပေါင်း (၈၅၂၀၅) ဦးရှိပြီး၊ သေဆုံးသူ (၁၈၄၆)ဦးထိရှိပြီး၊ သျှမ်းပြည်တဝှမ်းတွင် သျှမ်းပြည်တဝှမ်း ကိုဗစ်-၁၉ လူနာ စုစုပေါင်း (၃၅၆)ဦးထိရှိလာကြောင်း၊ ယခုရက်ပိုင်းနေ့စဉ် ပိုးတွေ့လူနာ မြင့်တက်လာကြောင်းသိရသည်။
Leave a Comments