သျှမ်းပြည်တောင်ပိုင်း တောင်ကြီးမြို့ရှိ စဝ်စံထွန်းဆေးရုံမှာ ကိုဗစ်-၁၉ အတည်ပြု လူနာ(၂၁) ဦး ဆေးကုသမှု ခံယူနေကြောင်း စုံစမ်းသိရှိရသည်။
နိုဝင်ဘာ (၂၄) ရက် နေ့လည် ၁ နာရီထိ စဝ်စံထွန်းဆေးရုံမှာ ကိုဗစ်-၁၉ အတည်ပြု လူနာ ၂၁ ဦး ရှိကြောင်း စဝ်စံထွန်းဆေးရုံ မှ ဒေါက်တာ ဝေဝေမွန် က သျှမ်းသံတော်ဆင့်ကိုပြောသည်။
“အခုချိန်ထိ ဒီနေ့လက်ကျန်မှာ ၂၁ ဦးပါ။တောင်ကြီးက မဟုတ်တဲ့သူတွေလည်း ပါတယ်။ Quarantine center တွေမှာ လည်းပါတယ်” ဟု ဒေါက်တာ ဝေဝေမွန် က ပြောသည်။
နိုဝင်ဘာ (၁၇) ရက်က တောင်ကြီးမြို့တွင် ခရီးသွားရာဇဝင်မရှိ ၊ ထိတွေ့လူနာနှင့်လည်း မရှိသည့် ကိုဗစ်-၁၉ အတည်ပြု လူနာ အမျိုးသား မှတဆင့် အဆင့်ဆင့် ထိတွေ့ ဆက်စပ်သူများထဲမှ ကိုဗစ်-၁၉ ကူးစက်ခံရသူ ၁၃ဦး အထိရှိပြီ ဖြစ်ကြောင်း လည်း သျှမ်းပြည် ကုသရေး နှင့် ပြည်သူ့ ကျန်းမာရေး ဦးစီးဌာန ထံ စုံစမ်းသိရသည်။
“တောင်ကြီးက သတင်းတွေ အမှန်သိချင်တယ်ဆိုလို့ရှိရင်တော့ ပြည်သူ့ကျန်းမာရေး ဓာတ်ခွဲမှုဆိုင်ရာ တောင်ကြီး ဆိုပြီးတော့ Page တွေရှိတယ်။ အဲ့ဒီမှာ ဝင်ကြည့်ပေါ့နော်။ အဲ့ဒါက အတည်တွေပဲ။ သူများတွေ အပြင်မှာပြောတာတွေ မှန်တာတွေလည်းရှိမယ်။ မှားတာတွေလည်း ရှိမယ်။” ဒေါက်တာ ဝေဝေမွန် က ပြောသည်။
တချို့ ကိုဗစ်-၁၉ လူနာနှင့်ထိတွေ့သူ ဆက်စပ်သူတချို့သည် Quarantine Centerတွင်မနေလိုဘဲ နေအိမ်Quarantine ထားရှိရန် တောင်းဆိုမှုများပြုလုပ်နေကြောင်းသိရသည်။
“ကျနော်တို့မြို့က ရန်ကုန်မြို့နဲ့ သွားနှိုင်းလို့မရပါဘူး။ ရန်ကုန်မြို့က လူဦးရေလည်း များသလို မဖြစ်သာလို Home Quarantine ထားတယ။် ကျနော်တို့မြို့မှာ Home Quarantine ထားဖို့ မလိုအပ်သေးပါဘူး။ ဘာဖြစ်လို့လည်းဆိုတော့ တာဝန်ရှိတဲ့သူက Q center တွေ အများကြီးဖွင့်ထားပေးပါတယ်။ လိုအပ်ရင် လိုအပ်သလို တိုးချဲ့ပြီး လုပ်ထားပေးပါတယ်။” စေတနာ့ ဝနထမ်း ကိုဝင်းနိုင်စိုး က ပြောသည်။
တောင်ကြီးမြို့နယ် ဒေသအတွင်း ကူးစက်မှုများလာသဖြင့် Quarantin Center (၉၂)ခုဖွင့်ရန် လျားထားပြီး၊ လက်ရှိမှာ Quarantine Center (၂၄)ခု ဖွင့်ထားကြောင်းသိရသည်။
နိုဝင်ဘာ ၂၂ ရက်ထိ သျှမ်းပြည်တောင်ပိုင်းတွင် ကိုဗစ်-၁၉ အတည်ပြု လူနာ (၂၂၇) ဦးရှိပြီး လက်ရှိ ဆေးရုံမှာ ဆေးကုသမှု ခံယူသူ (၇၃) ဦး ရှိကြောင်း သျှမ်းပြည် ပြည်သူ့ ကျန်းမာရေး ဦးစီးဌာန လက်ထောက်ညွှန်ကြားရေးမှူး ဒေါက်တာ ဇဝနကို ထံ စုံစမ်းသိရှိရသည်။