သျှမ်းပြည်မြောက်ပိုင်း နောင်ချိုမြို့ နယ် ပြည်သူ့ဆေးရုံတွင် ကိုဗစ်-၁၉ လူနာ ၁၆ဦး ရှိလာသဖြင့် ဆေးရုံတွင် အခက်အခဲများ စတင်ကြုံတွေ့နေရပြီးဖြစ်ကြောင်း စုံစမ်းသိရသည်။
နောင်ချို့မြို့နယ် ပြည်သူ့ဆေးရုံတွင် ကိုဗစ်-၁၉ နေ့စဉ် တိုးလာပြီး ကျန်းမားရေးဝန်ထမ်း နှင့် ကိုဗစ်-၁၉ လူနာထားမည့် အဆောက်အဦး မလုံလောက်မှုများကို ကြုံနေရပြီးဖြစ်ကြောင်း၊ ကိုဗစ်-၁၉ ဆေးကုသမည့် လူနာထပ်မံတိုးလာပါက လည်း ဝန်ထမ်းခက်ခဲ၊ ရှိလာနိုင်ကြောင်း နောင်ချို ကိုဗစ်-၁၉ ပရဟိတ အဖွဲ့ မှ ကိုမြတ်မိုးအောင် က ပြောသည်။
“ လူနာတွေက နောင်ချိုဒေသခံ ၃ဦး၊ ကျန်တာက မန္တလေး၊ ရန်ကုန်ဘက်က တက်လာတဲ့ ကားသမားတွေပါ။ ကျနော်တို့ အခုက ကျန်းမားရေးဝန်ထမ်း မလုံလောက်ဘူး။ ဒီထက်များလာရင်တော့ ပိုဆိုးမယ် ” ဟု ကိုမြတ်မိုးအောင် က ပြောသည်။
သျှမ်းပြည်မြောက်ပိုင်းကို တက်လာသည့် ကားသမားများကို နောင်ချို့မြို့နယ် ခြေမြစ်ပင် ကိုဗစ်-၁၉ စစ်ဆေးရေးဂိတ်တွင် စစ်ဆေးမှုပြုလုပ်ပြီး ကိုဗစ်-၁၉ ရှိ ကားသမားများကို နောင်ချိုမြို့နယ် ပြည်သူ့ဆေးရုံသို့ ပို့ဆောင်ပေးရကြောင်းသိရသည်။
“ ကျနော်တို့ မြို့နယ် ကိုဗစ်လူနာအတွက်လုံလောက်တယ်။ မန္တလေးဘက်က တက်လာတဲ့ ကားသမားတွေကို စစ်ဆေးရပြီး ကိုဗစ်လူနာကို နောင်ချိုဆေးရုံမှာပဲကုရတော့ ဝန်ထမ်းအင်အားမလုံလောက်ဘူး။ လူနာတင်ယာဉ်လည်း မလုံလောက်မှုတွေဖြစ်နေတယ်” ဟု ကိုမြတ်မိုးအောင် ကပြောသည်။
လက်ရှိ နောင်ချိုမြို့နယ် ခြေမြစ်ပင် စစ်ဆေးရေးဂိတ်မှ ကိုဗစ်-၁၉ ရှိတဲ့သမားများနှင့် ကိုဗစ်-၁၉ ထိတွေ့သူကို သယ်ဆောင်သည့်အခါ လူနာတင်ယာဉ်မလုံလောက်သည့်အတွက် အဆင်မပြေကြောင်းလည်း နောင်ချို ဒေသခံများက ပြောသည်။
“ နောင်ချိုမြို့နယ် က လူနာင်ယာဉ်တွေက လူနာပို့ဆောင်တဲ့အခါ Positive လူနာတင်တစီးဘဲ ကျန်ခဲ့တ။ ကျန်ကားတွေ Positive မဟုတ်တဲ့ လူနာတင်သွားရတဲ့အချိန်နဲ့ ထိတွေမှု ကောက်တဲ့အချိန် ဆုံးသွားရင် ကားက မကျန်ဘူး။ ထိတွေ့မှုရှိသူတွေကို အချိန်ဆွဲလို့မရဘူးလေ။ Positive တင်တဲ့ကားက ထိတွေ့မှုရှိသူကို မတင်ဘူး” ဟု ကိုမြတ်မိုးအောင်လက်ရှိကြုံတွေ့နေရတဲ့အခက်အခဲကိုပြောသည်။
သျှမ်းသံတော်ဆင့် အနေဖြင့် နောင်ချိုဆေးရုံကို အကြိမ်ကြိမ်ဆက်သွယ်ခဲ့သော်လည်း မရရှိခဲ့ပေ။
နောင်ချို့မြို့နယ် ဆေးရုံတွင်တာဝန်ထမ်းဆောင်နေသည့် ဆရာဝန်အင်အားမှာလည်း ၃ဦးသာရှိသည့်အတွက် ဆရာဝန် အင်အားဖြည့်ရန်လည်းလိုအပ်ကြောင်း စုံစမ်းသိရသည်။
နောင်ချို Quarantine center တခုတည်းရှိပြီး လက်ရှိမှာ လူဦးရေ ၁၂၉ ဦး ရှိပြီး၊ ထို Quarantine center ကိုလည်း ပြည်နယ်အစိုးရအနေနလာရောက်ကြည့်ရှုးခြင်းလည်း မရှိကြောင်း နောင်ချို ကိုဗစ်ပရဟိတ အဖွဲ့များက ပြောသည်။
နိုဝင်ဘာ ၂၂ ရက် ည (၈) နာရီ မြန်မာနိုင်ငံတွင် ကိုဗစ်-၁၉ အတည်ပြု လူနာ ( ၇၉ ၂၄၆) ဦး၊ ဆေးရုံဆင်းခွင့်ရသူ ( ၅၈၇၅၈) ဦး နှင့် သေဆုံးသူ ( ၁၇၃၉ ) ဦး ရှိကြောင်း ကျန်းမာရေး နှင့်အားကစား ဝန်ကြီး ထုတ်ပြန်ချက်အရ သိရသည်။
Leave a Comments