သျှမ်းပြည် မြောက်ပိုင်း တွင် တအောင်းအမျိုးသားပါတီ (TNP) ပါတီသည် (၁၂) နေရာ အနိုင်ရရှိထားကြောင်း စုံစမ်းသိရှိရသည်။
နိုဝင်ဘာ ၈ ရက်က ကျင်းပသည့် ပါတီစုံ ဒီမိုကရေစီအထွေထွေရွေးကောက်ပွဲသည် သျှမ်းပြည်မြောက်ပိုင်း ပလောင်ကိုယ်ပိုင်အုပ်ချုပ်ခွင့်ရဒေသ အပါအဝင် မြို့နယ် ၅ မြို့နယ် မှာ တအောင်းအမျိုးသားပါတီ (TNP) မှ လွှတ်တော်အမတ် (၁၂)နေရာ အနိုင်ရရှိထားကြောင်းသိရသည်။
အဆိုပါ နေရာများသည် နမ့်ဆန်မြို့နယ် (၃)နေရာ၊ မန်တုံမြို့နယ် (၃)နေရာ၊ နမ့်ခမ်း (၃) နေရာ၊ ကွတ်ခိုင်မြို့နယ် မဲဆန္ဒနယ် အမှတ်(၁) ၊ မူဆယ်မြို့နယ် အမျိုးသားလွှတ်တော် (၁) နေရာ နှင့် နမ့်ဆန်မြို့နယ် အမျိုးသားလွှတ်တော် (၁) နေရာ စုစုပေါင်း (၁၂) နေရာ အနိုင်ရရှိခဲ့သည်။
(TNP) ပါတီသည် ၂၀၁၅ အထွေထွေရွေးကောက်ပွဲ ကာလမှာလည်း လွှတ်တော် အမတ်(၁၂) နေရာ အနိုင်ရရှိခဲ့သည်။
