၂၀၂၀ ခုနှစ် နိုဝင်ဘာ ၈ ရက်တွင် ကျင်းပသည့် ပါတီစုံ ဒီမိုကရေစီအထွေထွေ ရွေးကောက်ပွဲ တွင် ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD) ပါတီမှ သျှမ်းပြည်တွင်း ၄၂ နေရာ ရရှိကြောင်း စုံစမ်းသိရှိရသည်။
သျှမ်းပြည်တဝှမ်းတွင် ၁၅၉ နေရာရှိပြီး၊ ထိုထဲတွင် အမျိုးသားလွှတ်တော် နေရာ ၁၂နေရာ၊ ပြည်သူ့လွှတ်တော် ၄၉ နေရာ၊ ပြည်နယ် (၁) နှင် (၂) နေရာ (၉၈)နေရာတို့ဖြစ်ပြီး၊ ထိုထဲတွင် SNLD မှ (၄၂)နေရာသာ အနိုင်ရရှိခဲ့သည်။
ရှမ်းတိုင်းရင်းသားများ ဒီမိုကရေစီ အဖွဲ့ချုပ် (SNLD)အနိုင်ရရှိသည့် နေရာများမှာ ပြည်သူ့လွှတ်တော်မှာ ၁၃ နေရာ၊ ပြည်နယ် လွှတ်တော်မှာ ၂၇ နေရာ၊ အမျိုးသားလွှတ်တော်မှာ ၂ နေရာ ဖြစ်ကြောင်း SNLD မှ အထွေထွေအတွင်းရေးမှူး စိုင်းလိတ် က သျှမ်းသံတော်ဆင့် ကိုပြောသည်။
“အမျိုးသားလွှတ်တော် ၂ နေရာရထားတယ်။ မဲအသာရထားပြီး လက်ရှိ ဖြေရှင်းနေတုန်းက ၂ နေရာ ဖြစ်ပါတယ်” ဟု စိုင်းလိတ် ကပြောသည်။
မူဆယ်မြို့နယ်၊ သိန္ဒီမြို့နယ်၊ မိုင်းရယ်မြို့နယ်၊ တန့်ယန်းမြို့နယ်၊ နမ္မတူမြို့နယ်၊ သီပေါမြို့နယ်၊ ကျောက်မဲမြို့နယ်၊ မိုင်းရှုးမြို့နယ်၊ ကျေးသီးမြို့နယ်၊ လဲချားမြို့နယ်၊ မိုးနဲမြို့နယ်၊ လင်းခေးမြို့နယ် နှင့် ကွန်ဟိန်းမြို့နယ် တို့သည် ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD)မှ ပြည်သူ့လွှတ်တော် (၁၃) နေရာမှာ အနိုင်ရရှိထားကြောင်း သိရသည်။
အမျိုးသားလွှတ်တော် မဲဆန္ဒနယ်အမှတ် (၆) သည် နန်းမွန်းစိန် ဖြစ်ပြီး မဲဆန္ဒနယ် အမှတ်(၇) သည် စိုင်ထွန်းအေး တို့ အနိုင်ရရှိထားပြီး၊ ပြည်နယ်မဲဆန္ဒနယ်များသည် ရှမ်းတိုင်းရင်းသားဒီမိုကရေစီအဖွဲ့ချုပ်မှ (၂၇) နေရာ ရရှိထားပြီး ကချင်ပြည်နယ် မန်စီမြို့နယ် မှာ ၁ နေရာ အနိုင်ရရှိထားကြောင်း စုံစမ်းသိရသည်။
အမျိုးသား ဒီမိုကရေစီအဖွဲ့ချုပ် (NLD) သည် သျှမ်းပြည်တွင်း ပြည်သူ့လွှတ်တော် ၁၄ နေရာ ရရှိထားပြီး၊ ပြည်ထောင်စုကြံ့ခိုင်ရေး နှင့် ဖွံ့ဖြိုးရေးပါတီ (USDP) မှ ၁၅ နေရာ၊ တအောင်းအမျိုးသား ပါတီ(TNP) မှ ၃ နေရာ ၊ ပအိုဝ်းအမျိုးသားအဖွဲ့ချုပ် (PNO) မှ ၃ နေရာ၊ “ဝ” အမျိုးသားပါတီ မှ (၁)နေရာ နှင့် ရှမ်းတိုင်းရင်းသားများ ဒီမိုကရေစီအဖွဲ့ချုပ်(SNLD) မှ ၁၃ နေရာ ရရှိခဲ့သည်။
၂၀၁၅ အထွေထွေရွေးကောက်ပွဲ နှင့် ၂၀၁၇ ကြားဖြတ်ရွေးကောက်ပွဲ သည် SNLD မှ ပြည်သူ့လွှတ်တော်နေရာမှာ ၁၄ နေရာ အနိုင်ရရှိခဲ့သည်။
Leave a Comments