သျှမ်းပြည်အရှေ့ပိုင်း မိုင်းယောင်းမြို့နယ်တွင် အမျိုးသားဒီမိုကရေစီအဖွဲ့ချုပ် ( NLD) မှ အပြတ်အသတ် အနိုင်ရရှိသွားကြောင်း စုံစမ်းသိရှိရသည်။
မိုင်းယောင်းမြို့နယ်အမျိုးသားလွှတ်တော်နေရာတွင် NLD ပါတီမှ စိုင်းလုံစံခတ် ၊ ပြည်သူ့လွှတ်တော်နေရာတွင် NLD ပါတီမှ စိုင်းထွန်းအောင် ၊ မိုင်းယောင်းမြို့နယ် မဲဆန္ဒနယ် အမှတ်(၁) မှ အိုက်ခမ်းလိုင် နှင့် မဲဆန္ဒနယ် အမှတ်(၂) စိုင်းရှဲန်တစ်လုံ တို့ အနိုင်ရရှိသွားကြောင်း သိရသည်။
မိုင်းယောင်းမြို့နယ်တွင် သျှမ်းတိုင်းရင်းသားများ၊ အာခါတိုင်းရင်းသား နှင့် ဗမာတိုင်းရင်းသားတို့ အများဆုံး နေထိုင်ကြသည်။
၂၀၂၀ ရွေးကောက်ပွဲတွင် ပြည်ထောင်စု ကြံ့ခိုင်ရေး နှင့် ဖွံ့ဖြိုးရေးပါတီ ( USDP) ၊ ရှမ်းတိုင်းရင်းသားများ ဒီမိုကရေစီအဖွဲ့ချုပ် ( SNLD) ၊ ရှမ်းတိုင်းရင်းသားများ ဒီမိုကရက်တစ်ပါတီ ( SNDP) ၊ အမျိုးသား ဒီမိုကရေစီအဖွဲ့ချုပ် ( NLD) စသည် ပါတီကြီးတို့ ဝင်ရောက်ယှဉ်ပြိုင်ပြီး ဒေသခံ ပါတီများလည်း အများအပြားဝင်ရောက် ယှဉ်ပြိုင်ကြသည်။
ထို့ကြောင့် မိုင်းယောင်းမြို့နယ် မဲဆန္ဒနယ် အားလုံးကို NLD မှ အနိုင်ရရှိသွားသော်လည်း လက်ရှိ ချိန်ထိ ပြည်ထောင်စု ရွေးကောင်ပွဲ ကော်မရှင် (UEC) မှ တရားဝင် မကြေညာသေးပေ။
Leave a Comments