သျှမ်းပြည်မြောက်ပိုင်းမူဆယ်မြို့ ဟိုမွန်ရပ်ကွက် မဲရုံ အမှတ်(၁)မှာ မဲစာရင်းမပါသည့် (၁၀)ဦးကို မဲပေးခွင့်ပြုခဲ့ကြောင်း စုံစမ်းသိရသည်။
မူဆယ်မြို့ ဟိုမွန်ရပ်ကွက် တွင် မဲရုံပိတ်ခါနီးအချိန်တွင် မဲပေးရန် စာရင်းထဲမပါဝင်သည့် ဟိုမွန်ရပ်ကွက်နေထိုင်သည့် (၁၀)ဦးကို မဲပေးခွင့်ပြုခဲ့ကြောင်း မူဆယ်ရွေးကောက်ပွဲစောင့်ကြည့်နေသည့် သူများထံသိရသည်။
“ မဲရုံ ပိတ်သိမ်းချိန်မဲရုံမှူးနဲ့ ရပ်ကျေး အုပ်ချုပ်ရေးမှူးတွေ နားလည်မှုလွှဲပြီး မဲဆန္ဒရှင်စာရင်းမှာ မပါရှိတဲ့ ဟိုမွန်ရပ်ကွက်သား(၁၀)ဦးကို မဲပေးခွင့်ပြုခဲ့ပါတယ်” ဟု မူဆယ်ခရိုင်ရွေးကောက်ပွဲ ကော်မရှင် အဖွဲ့ဝင် စိုင်းလောဝ်လျန်း က ပြောသည်။
အဆိုပါ မဲဆန္ဒရှင်မပါသည့် ပြည်သူ(၁၀)ဦး မဲပေးခွင့်ပြုသည့်အပေါ် ပါတီ(၈)ခုကို ခေါ်ယူညှိနှိုင်းဆွေးနွေးရာ ပါတီ (၇)ခု မှ ရွေးကောက်ပွဲဆိုင်ရာနည်းဥပဒေအရ အရေးယူရန်တောင်းဆိုထားကြောင်းလည်း စိုင်းလောဝ်လျန်းက ပြောသည်။
ထို့အပြင် မူဆယ်မြို့ ဈေးရပ်ကွက် ရှိ မဲရုံသို့ မဲသွားပေးသူတဦး မဲစာရွက်ဖြဲသည့်ကိစ္စ ရွေးကောက်ပွဲ ကော်မရှင်ထံ မရောက်ရှိလာသေးသဖြင့် မသိရှိရသေးကြောင်းလည်း စိုင်းလောဝ်လျန်း ကပြောသည်။
Leave a Comments