သျှမ်းပြည် တောင်ပိုင်းတောင်ကြီးမြို့တွင် ပအိုဝ်းအမျိုးသားအဖွဲ့ချုပ် (PNO)ပါတီ သည် ယနေ့ (စက်တင်ဘာ ၂၄) ရက် မနက်ပိုင်းတွင် မဲဆွယ်လှည့်လည်ရာ၌ မထင်မှတ်ဘဲ လူအင်အားများခဲ့ကြောင်း စုံစမ်းသိရသည်။
PNO မဲဆွယ်လှည့်လည်ရာတွင် ကား (၁၀) စီး နှင့် ဆိုင်ကယ် (၁၀) စီး တို့ဖြင့်လှည်သွားမည်ဟု ခွင့်တောင်းထားသော်လည်း မထင်မှတ်ဘဲ လူအင်းအား များသွားသည်ဟု (PNO) ဗဟို အလုပ်မှူဆောင်အဖွဲ့ဝင်ရုံးအဖွဲ့မှူး ဦးစောခွန်ကျော်ဝင်း ကပြောသည်။
“ကျနော်တို့ အသိပေးထားတာလဲမရှိဘူး။ ဒါပေမဲ့ ဒီနေ့မနက်မှာတော့ မထင်မှတ်ဘဲ လူအင်းအားကတော့ များလာတာ။ ကျတော်ကတော့ အကုန်မမြင်လိုက်ဘူး။ ကျနော်အထင်တော့ ကားအစီး (၆၀) ကျော်၊ ဆိုင်ကယ် (၁၀၀) ဝန်ကျင်းလောက်ရှိသွားသည်” ဟု ဦးစောခွန်ကျော် က သျှမ်းသံတော်ဆင့် ကိုပြောသည်။
မြန်မာနိုင်ငံတွင် တနေ့ထက် တနေ့ကိုဗစ်ကူးစက်မှု၊ သေဆုံးမှု နှုန်းမြင့်တက်လာပြီး၊ ယနေ့ အချိန်ထိ ကိုဗစ်-၁၉ ကူးစက်ခံရသူ စုစုပေါင်း (၇၈၂၇ ) နှင့် သေဆုံးသူဦးရေ စုစုပေါင်း (၁၃၃)ဦးရှိကြောင်း ကျန်းမာရေး နှင့် အားကစားဝန်ကြီးဌာန ထုတ်ပြန်ချက် အရ သိရသည်။
ထို့ကြောင့် ကျန်မားရေးဝန်ကြီးဌာန ထုတ်ပြန်ချက် လူ (၅၀) ထက်မပိုရ ဟု ထုတ်ပြန်ထားပြီး၊မဲဆွယ်စည်းရုံးရေး ပြုလုပ်ရာတွင် ကျန်းမာရေး ဝန်ကြီးဌာန ထုတ်ပြန်ချက်ကို လိုက်နာရမည် ဟု လည် ပြည်ထောင်စု ရွေးကောက်ပွဲ ကော်မရှင် က ပြောဆိုထားသည်။
အဆိုပါ မဲဆွယ်ရာတွင် လူအင်းအားများသည့်အပေါ်တွင် ကျန်မားရေးအတွက် စိုးရိမ်မှု သိပ်မရှိ ထားကြောင်းလည်း PNO ကပြောသည်။
“ကျနော်တို့ သက်နိုင်သလောက်တော့ လူစုလူဝေး မလုပ်ချင်ဘူး။ ကျနော်တို့လူမှူကွန်ယက်မှာ ကြည့်တဲ့အခါ များတယ်လို့ထင်တယ်ဆိုပေ့မဲ့ ကျနော် လက်လှမ်းမြင်သလောက်တော့ လူတွေ အုပ်စုဖွဲ့ ပြီးေတော့နေတာတော့မတွေ့ဘူး” ဟု ဦးစောခွန်ကျော်ဝင်း ဆက်လက် ပြောသည်။
ထို့သို့မဲဆွယ်စည်းရုံး ခရီးစဉ် စ၊ အဆုံး ကို ကြည့်ပါက ဆိုင်ကယ်စီးသူများကို နှာခေါင်းစည်းတပ်ခိုင်းထားကြောင်း၊ ဆိုင်ကယ်၊ ကားပေါ်မှ မဆင်းကြရန် ပြောဆိုထားကြောင်းလည်း ဦးစောခွန်ကျော်ဝင်း က ပြောသည်။
“ သူတွေကို နှာခေါင်းစည်း တွေတပ်ခိုင်းထားတယ်။၊ ဆိုင်ကယ်ပေါ်ကနေလည်း မဆင်းနဲ့ ကားပေါ်ကနေလဲမဆင်းနဲ့လို့ပြောထားတယ်။ ဒါက ရောဂါကို ကာကွယ်နိုင်မယ်လို့ ကျတော်တို့ ယုံကြည်တယ်” ဟု ဦးစောခွန်ကျော်ဝင်း က ထပ်လောင်းပြောသည်။
လာမည် ၂၀၂၀ ရွှေးကောက်ပွဲတွင် ပအိုဝ်းအမျိုးသားအဖွဲချုပ် (PNO) ပါတီ သည် မဲဆန္ဒနယ် ပေါင်း (၂၈) ဝင်ရောက်ယဉ်ပြိုင်သွားမည်ဟု သိရသည်။
တောင်ကြီးမြို့နယ်တွင် (PNO) ပါတီသည် ပြည်သူလွှတ်တော် ကိုယ်စားလှယ်၊ ပြည်နယ်လွှတ်တော် မဲဆန္ဒနယ် အမှတ်(၁) နှင့် အမှတ်(၂) စသည် (၃) နေရာတွင် ဝင်ရောက်ယှဉ်ပြိုင်သွား မည်ဟုသိရသည်။
အလုပ်သင် သတင်းထောက် စိုင်းဆိုင်လှိုင်း ရေးသားသည်။
Leave a Comments