အထူးဒေသ(၄) မိုင်းလားတွင် သွားရောက်အလုပ်လုပ်သည့် ရွှေ့ပြောင်းအလုပ်သမား (၆၀)သည် ယနေ့ မွန်းလွှဲပိုင်း ၂နာရီခန့်တောင်ကြီးမြို့သို့ ရောက်ရှိလာကြောင်း သိရသည်။
ထို ရွှေ့ပြောင်းအလုပ်သမားများသည် မိုင်းလား မှပြန်လာပြီး တောင်ကြီးသို့ ခေတ္တ ခဏနားကာ သက်ဆိုင်ရာ မြို့သို့ပြန်လည်ပို့ဆောင်ပေးသွားမည် ဖြစ်ကြောင်း တောင်ကြီးမြို့နယ် အထွေထွေ အုပ်ချုပ်ရေးမှူး ဦးစီးဌာန ဒုတိယဦးစီးမှူး ဦးခွန်သက်နှောင်း က သျှမ်းသံတော်ဆင့်ကို ပြောသည်။
“ မိုင်းလာကနေတစ်ဆင့် ပြန်လာမဲ့သူတွေဖြစ်ပါတယ်။ ဒီတစ်ခေါက် ကတော့ (၆၀) ကျော်ထက်ဝင်လာတယ်။ ကျတော်တို့ က ဒီကနေတစ်ဆင့် ကားကို ပြန်စီစဉ်ပေးပြီး သင်ဆိုင်ရာမြို့နယ်ကို ပြန်ပို့ပေးတာပါ” ဟု ဒုတိယဦးစီးမှူ ဦးခွန်သက်နှောင်း က ပြောသည်။
အဆိုပါဝင်လာသူများကို သက်ဆိုင်ရာမြို့သို့ ပြန်ပို့ရာတွင် ကားခများကို တစ်ချို့ကိုသာ အစိုးရ ဘက်မှ ထောက်ပံ့ပေးကြောင်း သိရသည်။
“ဒီကိုရောက်လာတဲ့ သူတွေကတော့ တစ်ချို့က ကားခကို တက်နိုင်ကြတယ်။ လုံး၀ ငွေကြေး အခက်ခဲရှိတဲ့သူ တွေကိုတော့ ကျတော်တို့ဖက်နေ ပြီးထောက်ပံ့ပေးတယ်” ဟု ဦးခွန်သက်နှောင်းက ပြောသည်။
သျှမ်းပြည်နယ်တောင်းပိုင်း တောင်ကြီးမြို့ထဲ သို့ ရွှေပြောင်း အလုပ်သမား များကို မိမိနေထိုင်ရာသို့ ပြန်ပို့ဆောင်ပေးရာတွင် ဧပြီလ မှ စတင်လက်ခံပြီး အခုချိနိထိ (၅၀၀၀) ကျော်ရှိပြီးဖြစ်ကြောင်း သိရသည်။
တောင်ကြီးမြို့ထဲသို့ မြဝတီမှ တရားဝင်ဖြင့် ဝင်ရောက်လာသူများကို Quarantine ထားရာတွင် အစိုးရဖက်မှ စားစရိတ်များကို ထောက်ပံ့ပေး့ပြီး ကိုယ့်မြို့နယ် ကိုယ်အစီနဲလာသူများကို တစ်ရက်ကို (၄၀၀၀) နှုန်းဖြင့် Quarantine ဝင်ရသည် ဟု ဦးခွန်သက်နှောင်း က ပြောသည်။
မြန်မာနိုင်ငံတွင် ကိုဗစ် ၁၉ အတည်ပြုလူနာ (၅၈၀၅) ဦးရှိပြီး သေဆုံးသူစုစုပေါင်း (၉၇) ဦး ရှိပြီး ဖြစ်ကြောင်း ကျန်မားရေးဝန်ကြီး ဌာနထုတ်ပြန်ချက် အရ သိရသည်။
မြန်မာနိုင်ငံတွင် ကိုဗစ် ၁၉ အတည်ပြုလူနာ တစ်ရက်ထက်တစ်ရက် ပိုးတိုးလာပြီး သေဆုံးသူ (၂) ဆရှိလာကြောင်း သိရသည်။
အလုပ်သင် သတင်းထောက် စိုင်းဆိုင်လှိုင်းရေးသားသည်။
