သျှမ်းပြည် တောင်ပိုင်း တောင်ကြီးမြို့ အမှတ်(၂) အထက်တန်းကျောင်းတွင် Quarantine ဝင်နေသည့် အမျိုးသား တဦး စဝ်စံထွန်းဆေးရုံတွင် ယနေ့(စက်တင်ဘာ ၂၀) ရက် သေဆုံးသွားကြောင်း စုံစမ်းသိရသည်။
အဆိုပါ အမျိုးသားသည် အသက် (၆၇) နှစ်ရှိပြီး ယမန်(စက်တင်ဘာ ၁၉ )ရက်တွင် ရန်ကုန်မှ တောင်ကြီးသို့ သားအဖ ၂ဦး ပြန်လာကာ တောင်ကြီး အမှတ်(၂)အထက်တန်းကျောင်းတွင် Quarantine ဝင်နေသူများဖြစ်သည်။
ထိုသူ ၂ဦးထဲမှ အသက် ၆၇ အရွယ်ရှိ အမျိုးသားသည် ယနေ့ မနက်ပိုင်းတွင် ချောင်းဆိုးပြီး အမောဖာက်ကာ စဝ်စံထွန်းဆေးရုံသို့ ပို့ဆောင်ခဲ့ရာ ယနေ့ ညနေ (၄) နာရီ တွင် သေဆုံးခဲ့ကြောင်း တောင်ကြီး စဝ်စံထွန်းဆေးရုံ မှ ဒေါက်တာ ဝေဝေမွန်က သျှမ်းသံတော်ဆင့်ကို ပြောသည်။
“ ဆေးရုံးမှာဘဲ သေဆုံးတာပါ။ အခုက ကိုဗစ် ၁၉ နဲ ပတ်သတ်မှုရှိလာတော့ သေချာပြောလို့မရသေးဘူး။ ဆေးစစ်နေသေးတယ်” ဟု တောင်ကြီးမြို့ ဒေါက်တာဝေဝေမွန် က သျှမ်းသံတော်ဆင့် ကိုပြောသည်။
အဆိုပါ သားအဖ ၂ဦးသည် ရန်ကုန်မြို့တွင် ၂ပတ်ခန့်နေထိုင်ခဲ့ပြီး ဆေးကုသနေသည့် သူများဖြစ်ကြောင်း၊ လက်ရှိမှာ ဖခင်ဖြစ်သူ သေဆုံးသွားပြီး၊ သားဖြစ်သူမှာလည်း အနံ့ မရသဖြင့် ဆေးရုံတွင် တင်ထားကြောင်း၊ ထိုသူ ၂ဦးကို ကိုဗစ်ပိုးရှိ၊ မရှိ စစ်ဆေးနေကြောင်း လည်း ဒေါက်တာဝေဝေမွန်က ပြောသည်။
“သူသေဆုံးသွားတာ ဟုတ်ပါတယ်။သူရဲသားက ကျတော်ကို ဖုန်းဆက်ပြီးပြောလာတာပါ။ အခုသူကို စဝ်စံထွန်း ဆေးရုံးမှာ ပါ” ဟု တောင်ကြီး ပရိဟိတ ကိုဝင်နိုင်းစိုက ပြောသည်။
ထိုသူ ၂ဦးသည် ကိုယ်ပိုင်ကားဖြင့် ရန်ကုန်မှ တောင်ကြီးသို့ပြန်လာပြီး၊ တောင်ကြီးမြို့တွင် တဦးတယောက်နှင့်မျှ ထိတွေ့မှု မရှိကြောင်းလည်း ကိုဝင်းနိုင်စိုး ၏ လူမှုကွန်ရက် စာမျက်နှာတွင် ရေးသားထားသည်။
မြန်မာနိုင်ငံတဝှမ်းလုံ ကိုဗစ်-၁၉ လူနာ စုစုပေါင်းလူနာ (၅၂၆၃) ဦးရှိပြီး သေးဆုံးလူနာ စုစုပေါင်း (၈၉ ) ဦးရှိပြီး ဖြစ်ကြောင်း စက်တင်ဘာ (၂၀) ညနေ ၅နာရီခွဲတွင် ကျန်းမားရေး နှင့် အားကစားဝန်ကြီး ဌာနထုတ်ပြန်ချက် သိရသည်။
အလုပ်သင် သတင်းထောက် စိုင်းဆိုင်လှိုင်းရေးသားသည်။