သျှမ်းပြည် တောင်ပိုင်း ကွန်ဟိန်းမြို့နယ် ကာလိမြို့ တာကော် တံတား တွင် ကျပ်သိန်း (၃၂) ဘီလီယံ တန်ဖိုးရှိ မူးယစ်ဆေးများ ဖမ်းဆီးရမိကြောင်း မူးယစ်ရဲ ထုတ်ပြန်ချက် အရသိရသည်။
ယမန် (သြဂုတ် ၂၇)ရက် နေ့လည် ၁ နာရီ တွင် ကာလိမြို့ တာကော် တံတား စစ်ဆေးရေးဂိတ် တွင် ယာဉ်မောင်း စိုင်းသက်ထွန်း မောင်းနှင်းလာပြီး၊ ကျန်းမိန်မှေး(ခ) ဝင်နိုင် လိုက်ပါလာသည့် ဆီဘောက်ဆာ ယာဉ်ကို မသင်္ကာသဖြင့် စစ်ဆေးရန် ရပ်တန့်ခိုင်းခဲ့သည်။
ထို စစ်ဆေးရန် ရပ်တန့်ခိုင်းစဉ် စစ်ဆေးရေး ဂိတ်သို့ မရောက်မီ ယာဉ်အားရပ်တန့်ပြီး ယာဉ်မောင်း ဖြစ်သူသည် လျှို အတွင်းမှ တဆင့် သံလွင်မြစ်အတွင်းသို့ ခုန်ချ ထွက်ပြေးသွားကြောင်းသိရသည်။
ထို ဆီဘောက်ဆာ ၏ အလယ်အကန့်တွင် အံဝှက်ပြုလုပ်ထားပြီး ICE (မက်အဖက်တမင်း) ၁၆၀၀ ကီလို နှင့် လက်ကိုင်ဖုန်းကို သိမ်းဆည်းရမိသည်။
ထို့ကြောင့် ယာဉ်နောက်လိုက်ဖြစ်သည့် ကျန်းမိန်မှေး(ခ) ဝင်းနိုင်ကို မူးယစ်ဆေးဝါး နှင့် စိတ်ကို ပြောင်းလဲစေသော ဆေးဝါးများဆိုင်ရာ ဥပဒေအရ အရေးယူထားမည် ဖြစ်ပြီး၊ ကွင်းဆက်တရားခံများဖမ်းဆီးရမိရေး ဆက်လက်ဆောင်ရွက်လျက်ရှိကြောင်း မူးယစ်ရဲ ထုတ်ပြန်ချက် အရ သိရသည်။