လာမည့် ၂၀၂၀ နိုဝင်ဘာ ၈ရက်တွင် ကျင်းပမည့် ရွေးကောက်ပွဲ ၌ မဲပေးပိုင်ခွင့် မဆုံးရှုံးစေရန် အတွက် သျှမ်းပြည် တောင်ပိုင်း တောင်ကြီးမြို့တွင် ရွေးကောက်ပွဲ ကော်မရှင်အဖွဲ့ဝင်များမှ အိမ်တိုင်ရာရောက် ကွင်းဆင်းစစ်ဆေးပေးနေ ကြောင်း သိရသည်။
သြဂုတ်လ ၂၄ ရက်မှ စ၍ တောင်ကြီးမြို့တွင် မဲပေးပိုင်ခွင့် မဆုံးရှုံးစေရန်၊ မဲစားရင်းများ မှန်ကန်မှု ရှိစေရန် ရွေးကာက်ပွဲ ကော်မရှင်းအဖွဲ့များမှ ရပ်ကွက်အလိုက် အိမ်တိုင်ရာရောက် စစ်ဆေးပေးနေကြောင်း ရေအေးကွင်း ရွေးကောက်ပွဲကော်မရှင် အဖွဲ့ဝင် ကပြောသည်။
“ကျနော် တို့လိုက်စစ်ဆေးပေးတာက မဲပေးပိုင်ခွင့်ကျန်ရစ်မှာ ဆိုလို့ပါ။ အချိန်မှီ မဲစာရင်းတွေလာမကြည်နိုင်တဲ့ သူတွေကျန်နေမှာဆိုလို့လေ” ဟု ရေအေးကွင်း ရွေးကောက်ပွဲကော်မရှင် ဥက္ကဌ က သျှမ်းသံတော်ဆင့် ကို ပြောသည်။
တခြားနယ်မှ လာပြီး တောင်ကြီးမြို့ သို့ လာရောက်အလုပ်လုပ်ကိုင်သူများ လည်း တောင်ကြီးတွင် မဲထည့်နိုင်ရန် အတွက် ပုံစံ(၃) စာရွက်များလာရောက် ပေးကြောင်း ရေအေးကွင်း ရပ်ကွက်တွင်နေထိုင်သည့် အမျိုးသားတဦးက ပြောသည်။
“ သူတို့က တောင်ကြီးကလူဆိုရင်တော့ မဲစာရင်းမှာ နာမည် ပါ၊မပါလာစစ်ပေးတယ်။ နောက် တောင်ကြီးကမဟုတ်ရင် တောင်ကြီးမှာ မဲထည့်မလားဆိုပြီးမေးတယ်။ တောင်ကြီးမှာ မဲထည့်ရင် ပုံစံ(၃)ဖြည့်ရတယ်” ဟု ၎င်း အမျိုးသား က ဆိုသည်။
ထိုကဲ့သို့ အိမ်တိုင်ရာရောက် စစ်ဆေးပေးသည့်အတွက် မဲဆုံးရှုံးမှုနည်းနိုင်ကြောင်း လည်း တောင်ကြီးဒေသခံများက ပြောသည်။
မဲပေးပိုင်ခွင့်ရှိသူ စာရင်း ကို ပထမအကြိမ် အဖြစ် ဇူလိုင် ၂၅ရက် မှသြဂုတ် ၇ ရက် အထိ ကြေညာခဲ့သည်။
ပထမအကြိမ် စာရင်းတွင် မဲစာရင်း မှားယွင်းမှု ပြဿနာ များစွာ ရှိနေသဖြင့် ဒုတိယအကြိမ် အဖြစ် သြဂုတ် ၁၄ရက်ထိ (၇)ရက် ထပ်မံတိုးပေးခဲ့ကြောင်းသိရသည်။
Leave a Comments