စိုင်းဆိုင်လှိုင်း
ထိုင်းနိုင်ငံမှ သျှမ်းပြည် အရှေ့ပိုင်း တာချီလိတ်သို့ ယနေ့ (သြဂုတ် ၂၈) မနက် ၉ နာရီအချိန်တွင် မြန်မာရွှေ့ပြောင်း အလုပ်သမား ၈၀ ဝန်းကျင် ပြန်လည် ဝင်ရောက်လာကြောင်း သိရသည်။
ထိုသူများသည် ထိုင်းနိုင်ငံတွင် အလုပ်သွား လုပ်ရာမှ အကြောင်းအမျိုးမျိုး ကြောင့် ထိန်းသိမ်းခံရသူများဖြစ်ကြသည်။
“ဝင်ရောက်လာသည့် သူတွေကို (၇) ရက်Quarantineဝင်ထားပြီး ကျန်းမာရေးစစ်ဆေးချက်ထွက်တဲ့အထိ Negative ဖြစ်မှ ကိုယ့်မြို့နယ် ကိုပြန်လွတ်မှာပါ။ (၇၈) ယောက်လုံးကို တာချီလိတ်မှာဘဲ Quarantine ဝင်ထားခိုင်းမှာပါ” ဟု တာချီလိတ်မြို့နယ် အုပ်ချုပ်ရေးမှုက ဦးချမ်းမြေ့စော ကသျှမ်းသံတော်ဆင့် ကိုပြောသည်။
ပြည်ဝင်လာသည့် မြန်မာနိုင်ငံသား အမျိုးသား (၅၆) ဦးနှင့် အမျိုးသမီး (၂၃) ဦးတို့ကို တာချီလိတ် တွင်ဖွင့်ထားသည့် Quarantine Center မိုးကုတ်ဝိပဿနာ တရားရိပ်သာ၌ Quarantine ဝင်နေကြရကြောင်း သိရသည်။
ထို့အပြင် ထိုင်းနိုင်ငံမှ ပြန်လာပြီး တာချီလိတ်တွင် Quarantine center ဝင်ပြီးထားသည့် မြန်မာရွှေ့ပြောင်းအုလပ်သမား (၁၀၀)ကျော်သည် ယနေ့ မနက်(၁၀)နာရီတွင် တောင်ကြီးကို ရောက်ရှိလာကြောင်း တောင်ကြီးမြို့ ပရဟိတ လုပ်ဆောင်နေသည့် ကိုဝင်နိုင်းစိုး က သျှမ်းသံတော်ဆင့်ကို ပြောသည်။
“ဒီနေ့ ပြည်တော်ပြန်မှ ဝင်ရောက်လာတဲ့ သူတွေအားလုံးက တာချီလိတ်မြို့မှ Quarantine ဝင်ထားကြပြီးပြီး။ အခုက သူတို့နေရာ ဒေသအလိုက် ကားဂိတ်ကနေ ပို့ဆောင်ပေးလိုက်ပါပြီး”ဟု ပရိဟိတ ကိုဝင်းနိုင်စိုက ပြောသည်။
အဆိုပါ ဝင်ရောက်လာသူများသည် တောင်ကြီးမြို့နယ်တွင် ၂၀ ကျော်ပါရှိကြောင်း သိရသည်။
ယနေ့ (သြဂုတ်လ ၂၈) မနက် ၈ နာရီထုတ်ပြန်ချက်အရ ကိုဗစ် -၁၉ လူနာအသစ် (၂၆) ဦးထပ်တိုးလာကြောင်း ကျန်းမားရေးဝန်ကြီး ဌာနက ထုတ်ပြန်ချက်အရ သိရသည်။
မြန်မာနိုင်ငံတွင် ကိုဗစ်ပိုးတွေ့လူနာစုစုပေါင်း (၆၂၈) ဦး ရှိပြီး ပြန်လည်သက်သာလာသူ (၃၄၉) ဦးနှင့် သေဆုံးသူ (၆) ဦး ရှိပြီးဖြစ်ကြောင်း ကျန်းမာရေးဝန်ကြီးဌာနမှ ထုတ်ပြန်ထားသည်။
မြန်မာနိုင်ငံတွင် စောင့်ကြည်လူနာ စုစုပေါင်း ၇၃၄၃ ဦးရှိ ကြောင်းသိရသည်။
