စိုင်းဆိုင်လှိုင်း
သျှမ်းပြည် တောင်ပိုင်း တောင်ကြီးမြို့ဒေသခံ ကိုဗစ်- ၁၉ လူနာ အမှတ် (၄၇၇) နှင့် ထိတွေ့သူ (၆) ဦးရှိပြီး၊ လက်ရှိမှာတောင်ကြီးတွင် ကိုဗစ်-၁၉ သံသယ ရှိသူ ၁၉၂ ဦးရှိကြောင်း စုံစမ်းသိရသည်။
အဆိုပါ ကိုဗစ်-၁၉ စောင့်ကြည့်လူနာ (၁၉၂)ဦး ၏ ဓာတ်ခွဲနမူနာ ပိုးရှိ၊ မရှိ စစ်ဆေးရန် အတွက် ယနေ့ (သြဂုတ် ၂၇) ရက်တွင် ရန်ကုန်အမျိုးသား ကျန်းမားရေး ဓာတ်ခွဲဌာနသို့ ပို့ဆောင်စစ်ဆေးထားကြောင်း ပြည်နယ် အထူးရောဂါ နှိမ်နင်းရေး လက်ထောက်ညွှန်ကြားရေးမှူး ဒေါက်တာဇဝနကို ထံမှ သိရသည်။
“သျှမ်းပြည်တောင်ပိုင်း မြို့နယ် (၁၀) ခုရဲ့ ဓာတ်ခွဲနမူနာ (၁၉၂) ကို ဒီနေ့ပို့ဆောင်စစ်ဆေးထားပါတယ်”ဟု ဒေါက်တာဇဝနကို က ပြောသည်။
၎င်း မြို့နယ်များမှာ မောက်မယ် ၊ ညောင်ရွှေ တောင်းကြီး ၊ ပင်းတယ ၊ ဖယ်ခုံ ၊ ပင်းလောင်း၊ မိုးနဲ၊ လင်းခေး၊ လွိုင်လင် ၊ ဟိုပုံ တို့ ဖြစ်ပြီးဖြစ်ကြောင်းသိရသည်။
ထိုထဲတွင် ကိုဗစ်-၁၉ လူနာ အမှတ်(၄၇၇) နှင့် ထိတွေ့သူ တောင်ကြီးမြို့ စောင့်ကြည့်လူနာ (၆)ဦး ရှိကြောင်း သိရသည်။
ဆက်လက်ပြီး ကလောမြို့တွင် ကိုဗစ်-၁၉ သံသရာရှိလူနာ (၁)ဦးရှိကြောင်း ယနေ့ ဓာတ်ခွဲနာမူနာပို့ဆောင်ချက်အရ သိရသည်။
အဆိုပါ ပိုးတွေ့ထားသူ လူနာအမှတ် (၄၇၇)နှင့်တကွ ထိတွေ့သူ (၆)ဦးတို့သည် တောင်ကြီးမြို့၊ ဘုရားဖြူရပ်ကွက်၊ ဧရာဝတီလမ်းတွင်နေထိုင်ကြပြီး၊ လက်ရှိမှာ ထိုလမ်းကို အသွားအလာကန့်သတ်ထားမှုများ ပြုလုပ်ထားကြောင်းသိရသည်။
ယနေ့ (သြဂုတ်လ ၂၇) မနက် ၈ နာရီထုတ်ပြန်ချက်အရ ကိုဗစ် -၁၉ လူနာအသစ် (၆) ဦးထပ်တိုးလာကြောင်း ကျန်းမားရေးဝန်ကြီး ဌာနက ထုတ်ပြန်ချက်အရ သိရသည်။
မြန်မာနိုင်ငံတွင် ကိုဗစ် -၁၉ ပို့တွေ့လူနာ စုစုပေါင်း (၅၈၆) ဦး ရှိပြီး သေးဆုံးသူ (၆)ဦးနှင့် ပြန်လည် သက်သာလာသူ (၃၄၅)ဦး ရှိပြီးဖြစ်ကြောင်း ကျန်းမာရေးဝန်ကြီးဌာန မှ ထုတ်ပြန်ထားသည်။
ယခုရက်ပိုင်း ကိုဗစ် -၁၉ ပိုးတွေ့နာလူအများဆုံး မှာ ရခိုင်ပြည်နယ် ကဖြစ်ကြောင်း သိရသည်။
