လာမည့် ၂၀၂၀ ရွေးကောက်ပွဲတွင် သျှမ်းပြည် မဲဆန္ဒနယ် တိုင်းရင်းသားလူမျိုးများ အလိုက် လွှတ်တော်ကိုယ်စားလှယ်လောင်း အမည်တင်သွင်းသူ (၄၃) ရှိကြောင်း စုံစမ်းသိရှိရသည်။
သျှမ်းပြည်ထဲတွင် တိုင်းရင်းသား လူမျိုးစု လွှတ်တော်ကိုယ်စားလှယ်လောင်း ခွင့်ပြုထားသည့် တိုင်းရင်းသား လူမျိုး ၇ မျိုုးရှိပြီး အမည်တင်သွင်းလာသူ စုစုပေါင်း (၄၃) ဦးရှိကြောင်း သျှမ်းပြည်နယ် ရွေးကောက်ပွဲ ကော်မရှင်အဖွဲ့ခွဲ ဥက္ကဋ္ဌ ဦးထင်ကျော် က သျှမ်းသံတော်ဆင့် ကိုပြောသည်။
“သျှမ်းပြည်နယ် ထဲမှာ ခွင့်ပြုထားတဲ့ တိုင်းရင်းသား လူမျိုး ၇ မျိုးရှိပါတယ်။ သျှမ်းပြည်နယ် ရွေးကောက်ပွဲ ကော်မရှင်စိစစ်တာက တိုင်းရင်းသားလူမျိုးတပိုင်း ဖြစ်ပါတယ်” ဟု ရွေးကောက်ပွဲကော်မရှင် အဖွဲ့ခွဲရုံး ဥက္ကဋ္ဌ ဦးထင်ကျော် က သျှမ်းသံတော်ဆင့် ကိုပြောသည်။
သျှမ်းပြည် ရွေးကောက်ပွဲကော်မရှင် အနေဖြင့် တိုင်းရင်းသားလူမျိုးအလိုက် တင်သွင်းလာသည့် ကိုယ်စားလှယ်လောင်း ကိုသာ စိစစ်ရကြောင်း ဦးထင်ကျော်က ကပြောသည်။
လွှတ်တော်ကိုယ်စားလှယ်လောင်း စိစစ်သည့် နေရာတွင် သတ်မှတ်ထားသည့် အသက် ၂၅ နှစ် ပြည့်ရမည်ဖြစ်ပြီး၊ မိဘ နှစ်ပါးနှင့် တိုင်းရင်းသားလူမျိုးအလိုက် ကိုယ်စားလှယ်လောင်းသည် နိုင်ငံသား ဖြစ်ရမည်ဖြစ်ကြောင်း ၊ ရွေးကောက်ပွဲ မကျင်းပမှီ မြန်မာနိုင်ငံထဲတွင် အနည်းဆုံး ၁၀ နှစ် နေထိုင်ခဲ့သူဖြစ်ရမည် ဟု သိရသည်။
ဆက်လက်ပြီး ဦးထင်ကျောက် “နက်ဖန်ကနေ စပြီး သြဂုတ် ၁၄ ရက်နေ့ထိ တင်သွင်းလာတဲ့ တိုင်းရင်းသား လူမျိုးစု ၇ မျိုးကို ပြဋ္ဌာန်းထားတဲ့ ဥပဒေ အတိုင်း စိစစ်သွားမှာပါ” ဟု ပြောသည်။
သျှမ်းပြည်ထဲတွင် ခွင့်ပြုထားသည့် တိုင်းရင်းသားလူမျိုးစု လွှတ်တော်ကိုယ်စားလှယ်လောင်း ၇ မျိုးမှာ ဗမာတိုင်းရင်းသား၊ ကချင် တိုင်းရင်းသား၊ လီဆူး တိုင်းရင်းသား၊ လားဟူ တိုင်းရင်းသား၊ အင်းသား တိုင်းရင်းသား၊ အာခါတိုင်းရင်းသား နှင့် ကယန်းတိုင်းရင်းသား တို့ ဖြစ်ကြောင်း သိရသည်။
“၅ နှစ်တာ ကာလမှာ တိုင်းရင်းသား ရေးရာဝန်ကြီးတွေရဲ့ လုပ်ကိုင်ဆောင်ရွက်မှုတွေက သိပ်ပြီး ထူးထူးခြားခြား တွေ့မြင်ရတာ မရှိဘူး။ တချို့တိုင်းရင်းသားရေးရာဝန်ကြီးတွေကတော့ ဒေသဖွံ့ဖြိုးရေး ကိစ္စတွေနဲ့ လုပ်ကိုင်နေတာတွေ့တော့ တွေ့ရတယ်” ဟု တောင်ကြီးမြို့ တွင်နေထိုင်သည့် ဦးညီမိုး ကပြောသည်။
တိုင်းရင်းသားရေးရာ ဝန်ကြီး နှင့် ပတ်သက်ပြီး တာဝန်ခွဲဝေသည့် အပိုင်းတွင် တိကျစွာ ဖော်ပြထားခြင်းမရှိထားကြောင်း ဦးညီမိုး က ပြောသည်။
၂၀၂၀ ခုနှစ် နိုဝင်ဘာ ၈ ရက်နေ့တွင် ကျင်းပမည့် ပါတီစုံ ဒီမိုကရေစီ အထွေထွေရွေးကောက်ပွဲတွင် သျှမ်းပြည်နယ် ရွေးကောက်ပွဲ ကော်မရှင် အဖွဲ့ခွဲ ရုံမှာ တင်သွင်းလာသည့် လွှတ်တော်ကိုယ်စားလှယ်လောင်း (၁၀၀၀) ကျော် ရှိကြောင်း သိရသည်။
“သက်ဆိုင်ရာ ခရိုင်တွေအလိုက် ကိုယ်ပိုင်အုပ်ချုပ်ခွင့်ရ တိုင်းဒေသအလိုက် စိစစ်နေတယ်။ အခြေနေကို ကျနော်တို့ဆီ ပြန်တင်ရတယ်” ဟု သျှမ်းပြည်နယ် ရွေးကောက်ပွဲ ကော်မရှင် အဖွဲ့ခွဲ ဥက္ကဋ္ဌ ဦးထင်ကျော် က ပြောသည်။
ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD) ပါတီ အနေဖြင့် သျှမ်းပြည်တွင်း တိုင်းရင်းသားပါတီလူမျိုးစု ၁ နေရာ ပါဝင် ယှဉ်ပြိုင်ခဲ့သည်။
၂၀၂၀ ခုနှစ် နိုဝင်ဘာလ တွင် ကျင်းပမည့် ပါတီစုံ ရွေးကောက်ပွဲသည် သျှမ်းပြည်တွင်းရှိ မဲပေးပိုင်ခွင့်ရှိသူ ( ၃၅) သိန်းကျော်ရှိပြီး ပြီး ၂၀၁၅ ထက် မဲပေးပိုင်ခွင့် ရှိသူ တိုးသလို တပ်မတော်သားနှင့် မိသားစုဝင်များသည်လည်း တပ်ပြင်ပသို့ မဲပေးမည်ဖြစ်ကြောင်း သိရသည်။
Leave a Comments