၂၀၂၀ ခုနှစ် ပါတီစုံ ဒီမိုကရေစီ အထွေထွေ ရွေးကောက်ပွဲတွင် မဲပေးပိုင်ခွင့်ရှိသူ ၂၉ ရာခိုင်နှုန်းခန့် တိုးလာကြောင်း သျှမ်းပြည်နယ် ရွေးကောက်ပွဲ ကော်မရှင်ရုံးထံ စုံစမ်းသိရှိရသည်။
၂၀၂၀ ခုနှစ် နိုဝင်ဘာလ မှာ ကျင်းပမည့် ပါတီစုံ ရွေးကောက်ပွဲသည် သျှမ်းပြည်တွင်းရှိ မဲပေးပိုင်ခွင့် ရှိသူ (၃၅) သိန်းကျော် ရှိပြီး ၂၀၁၅ ခုနှစ် ပါတီစုံ ရွေးကောက်ပွဲသည် မဲပေးပိုင်ခွင့်ရှိသူ ( ၃၁) သိန်းကျော် သာ ရှိကြောင်း သျှမ်းပြည်နယ် ရွေးကောက်ပွဲ ကော်မရှင် အဖွဲ့ခွဲရုံး ဥက္ကဋ္ဌ ဦးထင်ကျော် က ပြောသည်။
“၂၀၁၅ ထက် ပိုတိုးလာတယ်လို့ ပြောလို့ရပါတယ်။ ၂၈.၈ % လောက် တိုးလာပါတယ်” ဟု ဦးထင်ကျော် က ပြောသည်။
သျှမ်းပြည်တွင်းရှိ ၂၀၂၀ ရွေးကောက်ပွဲတွင် ပထမအကြိမ် မဲပေးမည့် လူငယ်မှာ လက်ရှိ ၄ သိန်းကျော် ရှိကြောင်း သိရသည်။
“သျှမ်းပြည်နယ် အနေနဲ့ ပထမဆုံးအကြိမ် မဲပေးမယ့် လူငယ်က ၄ သိန်းကျော်ရှိပါတယ်။ မဲပေးမယ့် မသန်စွမ်းက ၄ ထောင်ကျော် ရှိပါတယ်” ဟု ဦးထင်ကျော် က ထပ်လောင်း ပြောသည်။
၂၀၂၀ ရွေးကောက်ပွဲသည် ၂၀၁၅ ထက် မဲပေးပိုင်ခွင့်ရှိသူ တိုးသလို တပ်မတော်သားများနှင့် မိသားစုဝင်များသည်လည်း တပ်ပြင်ပသို့ မဲပေးမည်ဖြစ်ကြောင်း သိရသည်။
Leave a Comments