ဒုတိယအကြိမ် သျှမ်းပြည်နယ် လွှတ်တော် ၁၉ ကြိမ်မြောက် ပုံမှန် အစည်းအဝေး ကို လာမည့် ဇွန်လ နောက်ဆုံးပတ်တွင် ပြုလုပ်သွားမည် ဖြစ်ကြောင်း သိရသည်။
ဒုတိယအကြိမ် သျှမ်းပြည်နယ် လွှတ်တော် ၁၉ ကြိမ်မြောက် ပုံမှန်အစည်းအဝေး ကို ဇွန် ၂၂ ရက်နေ့တွင် သျှမ်းပြည်တောင်ပိုင်း တောင်ကြီးမြို့ရှိ သျှမ်းပြည်နယ် လွှတ်တော်အစည်းအဝေး ခန်းမ ၌ကျင်းပ ပြုလုပ်သွားမည် ဖြစ်ကြောင်း စုံစမ်း သိရှိရသည်။
“ပုံမှန် အစည်းအဝေး ပဲ ပြုလုပ်မယ်။ မေးခွန်းတွေ အဆိုတွေ ပါမယ်။” ဟု လွိုင်လင်မဲဆန္ဒနယ် အမှတ် ၂ ပြည်နယ် လွှတ်တော်အမတ် နန်းမြထွေး က သျှမ်းသံတော်ဆင့် ကိုပြောသည်။
Covid-19 ကာကွယ် ထိန်းချုပ် သည့် ကာလ ဖြစ်သည့် အတွက် သျှမ်းပြည်နယ် လွှတ်တော်ပုံမှန် အစည်းအဝေး မှာလည်း ကျန်းမာရေးဌာန၏ လမ်းညွှန်ချက် နှင့် အညီ ဆောင်ရွက် သွားမည် ဖြစ်ကြောင်း သိရသည်။
သျှမ်းပြည် လွှတ်တော် ပုံမှန် အစည်းအဝေးကို ၂ လ တကြိမ် ကျင်းပကြောင်း ပြည်နယ် လွှတ်တော် ကိုယ်စားလှယ် နန်းမြထွေး က ဆိုသည်
ယခု ကျင်းပမည့် လွှတ်တော် အစည်းအဝေးတွင် ဖြည်စွက် ရန်ပုံငွေ နှင့် ပတ်သက်သည့် ဘတ်ဂျက်များကို ဥပဒေ ထုတ်ပေးရန် အတွက် ဆွေးနွေးရန် ရှိမည် ဖြစ်ကြောင်းလည်း စုံစမ်းသိရသည်။
ဒုတိယအကြိမ် သျှမ်းပြည်နယ်လွှတ်တော်တွင် လွှတ်တော်ကိုယ်စားလှယ် ၁၃၉ ဦး ရှိပြီး လွှတ်တော် သက်တမ်းအတွင်း ပုံမှန် အစည်းအဝေး ၁၈ ကြိမ်၊ အရေးပေါ် အစည်းအဝေး ၄ ကြိမ် နှင့် အထူးအစည်း အဝေး ၂ ကြိမ် ပြုလုပ် ပြီး ဖြစ်သည်။
