သျှမ်းပြည်အရှေ့ပိုင်းတာလေမြို့နယ်ခွဲတွင် ရွှေတူးဖော်မှုကြောင့်ပျက်စီးသွားသောလူထု၏ လယ်ယာမြေဧက ၃၇၀ ကျော်အားပြန်လည်ဖော်ထုတ်ပေးရေး သျှမ်းပြည်နယ်လွှတ်တော်တွင်မေးမြန်းရာ အမှန်တကယ် ပျက်စီးသည်မှာ ဧက ၂၄၀ ခန့်သာရှိကြောင်း သျှမ်းပြည်နယ်အစိုးရကပြောဆိုပါသည်။
မတ်လ ၂၈ ရက်နေ့ကစတင်ကျင်းပခဲ့သော ဒုတိယအကြိမ် ၊ သျှမ်းပြည် နယ် လွှတ် တော် နဝမပုံမှန်အစည်းအဝေးတွင် တန့် ယန်းမြို့နယ် မဲဆန္ဒနယ်အမှတ် ၂ လွှတ်တော်ကိုယ်စားလှယ် စိုင်းခမ်းမြတ် က ကြယ်ပွင့်ပြမေးခွန်းအဖြစ် မေးမြန်းရာ သျှမ်းပြည်နယ်အစိုးရအဖွဲ့သယံဇာတနှင့် သဘာ ၀ပတ်ဝန်းကျင် ထိန်း သိမ်းရေး ၀န်ကြီး ဒေါက်တာညီညီအောင် ကထိုသို့ပြန်လည်ဖြေကြားခဲ့ခြင်းဖြစ်သည် ။
တာချီလိတ်မြို့နယ် ၊ တာလေမြို့နယ်ခွဲ ၊ မိုင်းလင်းကျေးရွာအုပ်စု ၊ နားဟိုင်း လုံကျေးရွာတွင် ရွှေသတ္တု တူးဖော်ရေး ကုမ္ပဏီများ၏ စွန့်ပစ်မြေစာများကြောင့် တောင်သူလယ်သမားအခက်တွေ့နေရသည့်အပေါ် ဒေသံလူထုက- ရွှေသတ္တုတူးဖော်နေသော ကုမ္ပဏီ များ၏လုပ်ကွက်များအား ချက်ချင်းရပ်ဆိုင်းပေးရန် နှင့် သက်တမ်းမ တိုးပေးရန်၊ ပျက်စီးဆုံးရှုံးသွားခဲ့သော လယ်ယာမြေ ၃၇၀ ဧကအားပြန် လည်ဖော်ထုတ်ပေးရန် ၊ ပြန် လည်မဖော်ထုတ်ပေးစဉ်ကာလတွင် ပွင့်လင်း မြင်သာမှု ၊ တရားမျှတမှု လျော်ကြေး ငွေများ ရရှိရေးအတွက် ဆောင်ရွက်ပေး ရန်စသည့်အချက်များ တောင်းဆိုထားသည်ဟု စိုင်းခမ်းမြတ်က ဆိုပါသည် ။
၄င်းနှင့်ပတ်သက်ပြီး ၀န်ကြီး ဒေါက်တာညီညီအောင်က – တိုင်ကြားချက်ပါ ပျက်စီးသွားသော လယ်ယာမြေ ၃၇၀ ဧကဟူသည်မှာ – အမှန်တကယ်ထိခိုက်မှု ရေ နက်စိုက်ကွင်း ၆၀ ဧကခန့်မှာ ယခင်ကတည်းကပင်ရေအမြဲ ဖုံးလွှမ်းလျှက်ရှိ ပြီး ၊ ဖော် ထုတ် ကုန်းမြင့် လယ်ယာ ၆၉ ဧကခန့်မှာ ပျက်စီးမှုမရှိ ကြောင်း ၊ အမှန်တကယ် ပျက်စီးဆုံး ရှံုးမှုမှာ ၂၄၁ ဧကခန့်သာရှိ ကြောင်း ဖြေကြားခဲ့သည် ဟုဆိုပါသည်။
နားဟိုင်းလုံကျေးရွာတွင် လက်ရှိ ရွှေသတ္တုတူးဖော်ထုတ်လုပ် ခွင့်ပြုမိန့်ရ ကုမ္ပဏီ ရ ခုရှိပြီးထပ်မံ လျှောက်ထားသောကုမ္ပဏီ ၂ ခုရှိကြောင်း အဆိုပါကုမ္ပဏီများသည် ဧရိယာ ၂၀ ဧကတွင် ရွှေ ၃၀ ကျပ်သားနှုန်း အစိုးရထံ အခွန်ပေးသွင်း ရကြောင်း သိရသည် ။
ဒေသခံလယ်သမားများပြောပြချက်အရ စာချုပ်ပါနှစ်စဉ်လျော်ကြေးအတွက် ကုမ္ပဏီ ၉ ခုမှ ၂၀၁၇ခုနှစ် အတွင်းပေးလျော်ရမည့်ပမာဏမှာငွေကျပ်သိန်းပေါင်း ၁၄၀၀ ခန့်ရှိကြောင်း ၊ သို့သော် ၂၀၁၅ ခုနှစ်တွင် လုပ်ငန်းရပ်နားထားသည်ဟုဆိုကာ ကုမ္ပဏီများဘက်မှ လျော်ကြေးငွေပေးလျော်ခြင်းမရှိကြောင်း သိရသည် ။
