သျှမ်းပြည်အရှေ့ပိုင်း ကျိုင်းတုံ ပြည်သူ့ဆေးရုံကြီးတွင် ဆေးကုသခံ ကိုဗစ်-၁၉ လူနာ ၃ ဦးသည် ကျန်းမာရေး အခြေနေကောင်းကြောင်း သိရသည်။
အဆိုပါ ကိုဗစ်-၁၉ လူနာများမှာ လူနာ အမှတ် ၆၄ ၊ လူနာ အမှတ် ၉ ၆ နှင့် လူနာ အမှတ် ၁၁၂ တို့ ဖြစ်ကြောင်း သိရသည်။
“လူနာ အမှတ် ၆၄ က တတိယအကြိမ် ဓါတ်ခွဲနမူနာ စစ်ဆေးရာမှာ Negative ဖြစ်ပြီး၊ လူနာ အမှတ် ၉၆ က ဒုတိယအကြိမ်မှာ Negative ဖြစ်တာ။” ဟု ကျိုင်းတုံပြည်သူ့ဆေးရုံ မှ ဒေါက်တာ လှဌေးမင်း က သျှမ်းသံတော်ဆင့် ကိုပြောသည်။
ထို့ပြင် လူနာ အမှတ် ၁၁၂ သည် ဒုတိယအကြိမ် ဓါတ်ခွဲနမူနာ ယူရာတွင် Positive ဖြစ်နေသေးကြောင်း ဒေါက်တာ လှဌေးမင်း ကပြောသည်။
“၃ ယောက်စလုံးက ကျန်းမာရေး အခြေနေကောင်းတယ်။ Negative ဖြစ်ပြီး ၄၈ နာရီ ကြာရင်
ထပ်တစ်ခါ ဓါတ်ခွဲ နမူနာ ယူပြီး စစ်ဆေးနေရတယ်” ဟု ဒါက်တာ လှဌေးမင်း က ဆိုသည်။
မြန်မာနိုင်ငံတွင် COVID-19 ရောဂါ ပိုးတွေ့ရှိသူ ၁၅၅ ဦး ရှိပြီး ဆေးရုံမှ ဆင်းခွင့်လူနာ ၄၃ ဦး နှင့် သေဆုံးသူ ၆ ဦး ရှိပြီ ဖြစ်သည်။
သျှမ်းပြည်နယ်တွင် ပိုးတွေ့ လူနာ ၇ ဦး အနက် ၂ ဦးက ဆေးရုံမှ ဆင်းခွင့်ရပြီး ၅ ဦး သာ ကျန်ရှိသေးကြောင်း သိရသည်။
သျှမ်းပြည်တွင်း ပိုးရှိလူနာ ၅ ဦးသည် သျှမ်းပြည်အရှေ့ပိုင်း ကျိုင်းတုံဆေးရုံမှာ ၃ ဦး ၊ သျှမ်းပြည်မြောက်ပိုင်း မူဆယ်ဆေးရုံမှာ ၁ ဦး နှင့် သျှမ်းပြည်တောင်ပိုင်း တောင်ကြီး စဝ်စံထွန်း ဆေးရုံမှာ ၁ ဦး ရှိကြောင်း သိရသည်။
Leave a Comments