သျှမ်းပြည် မြောက်ပိုင်း မူဆယ်မြို့တွင် ယမန်နေ့(ည ၁၀နာရီခွဲ)ဝန်းကျင်က လေပြင်းတိုက်ခတ်သဖြင့် နေအိမ်တချို့ ပျက်စီးခဲ့ကြောင်း သတင်းရရှိသည်။
လေပြင်းတိုက်ခတ်မှုကြောင့် ပျက်စီးသွားသည့် မူဆယ်မြို့ ဟိုမွန်ရပ်ကွက်( ၄၅)ကုန်း နေအိမ်တချို့ ပြိုကျခြင်း နှင့် ဟိုနားရပ်ကွက် နှင့် တောင်ရပ်ကွက် ရှိ နေအိမ်တချို့ တွင် အိမ်ခေါင်မိုးများ လှန်ခြင်း တို့ ဖြစ်ပွားခဲ့ကြောင်း မူဆယ် ဒေသခံများပြောပြချက် အရသိရသည်။
“ ဟိုမွန်ရပ်ကွက် (၄၅)ကုန်းမှောတာ့ အိမ်တွေပြိုတယ်။ အိမ်ထောင်စု ၅စု၊ အိမ်၄လုံးပါ။ လူထိခိုက်မှုကတော့ မရှိဘူး” ဟု မူဆယ် ဂရုဏာ လူမှုကူညီရေး မှ ဦးသောင်းထွန်း က သျှမ်းသံတော်ဆင့် ကို ပြောသည်။
အဆိုပါ က နေအိမ်ပြိုကျသည့် အိမ်ထောင်စုများကို ဆန်များ၊ ငွေများ သွားရောက် လှူဒါန်းခဲ့ကြောင်းလည်း ဦးသောင်းထွန်းက ပြောသည်။
ဆက်လက်ပြီး မူဆယ် တောင်ရပ်ကွက် နေထိုင်သည့် စိုင်းမြတ် က “ ၄၅ကုန်းဘက်တော့ တော်တော်ပျက်စီးတယ်။ အိမ်တွေပြိုတယ်။ တောင်ရပ်ကွက် နဲ့ဟိုနား ဘက်ကတော့ အိမ်ခေါင်မိုးပဲလှန်တာ” ဟု သျှမ်းသံတော်ဆင့် ကို ပြောသည်။
ထို နေအိမ်ပြိုကျ ၊ အိမ်ခေါင်မိုးလှန်သော်လည်း လူထိခိုက်မှု တစုံတရာမရှိကြောင်း၊ သက်ဆိုင်ရာမှ သွားရောက် ကူညီလှူဒါန်းမှုများ ပြုလုပ်နေကြောင်းလည်း မူဆယ်ဒေသခံများက ပြောသည်။
Leave a Comments