COVID-19 ရောဂါ ကာကွယ်ထိန်းချုပ်နိုင်ရေးအတွက် လူစုလူဝေး မဖြစ်စေရန် ၅ ဦး ထက် ပိုမစုဝေး ရန် ပြည်ထောင်စု အစိုးရ ထုတ်ပြန်ထားသည်။
Photo by ပင်လောင်းဒေသခံတဦး/ ကိုဗစ်-၁၉ ကာလ အတွင်း ကျေးရွာများ လူဝင်ထွက် ခွင့် ပိတ်ထား
အဆိုပါ ထုတ်ပြန်ချက်သည် ဧပြီ ၁၆ ရက် ည ၈နာရီ သတင်းတွင် ကြေညာလိုက်သည်။
မြန်မာနိုင်ငံတွင် COVID-19 ရောဂါ ပိုး ထိန်းချုပ်နိုင်ရန်အတွက် မလိုအပ်ပဲ အိမ်အပြင်မထွက်စေရန် လူစုလူဝေး မဖြစ်စေရန် ထုတ်ပြန်ထားပေမယ့် ယခု အခါတွင် ၅ ဦးထက် ပို မစုဝေးရကြောင့် ပြန်လည် ထုတ်ပြန်ထားခြင်း ဖြစ်သည်။
ထို ထုတ်ပြန်ချက်တွင် လုပ်ငန်းခွင်သွားခြင်း၊ ပြန်ခြင်း၊ ခွင့်ပြုချက်ရထားသည့်ေ ဈး၊ကုန်တိုက်များ ဈေးဝယ်ခြင်း၊ ကုန်စည်သယ်ယူပို့ဆောင်ရေး ဆောင်ရွက်ခြင်းတို့ လူ ၅ဦးထက် ပိုမစုဝေးရ ဟု ထည့်သွင်းရေးသားထားသည်။
ထို့ပြင် တရားစီရင်ရေး ဆိုင်ရာ ကိစ္စရပ်များ၊ အရေးပေါ် ကယ်ဆယ်ရေး လုပ်ငန်း နှင့် အရေးပေါ် ကိစ္စရပ်များ ဆောင်ရွက်ခြင်း၊ ကျန်းမာရေး နှင့် စပ်လျဉ်း၍ ဆေးရုံ၊ ဆေးခန်း သွားရောက်ခြင်း၊ နာရေး ကိစ္စရပ်များ ဆောင်ရွက်ခြင်းတို့တွင်လည်း လူ ၅ဦးထက် ပိုမစုရ ဟု ဖော်ပြထားသည်။
Photo by ပင်လောင်းဒေသခံတဦး/ ကိုဗစ်-၁၉ ကာလ အတွင်း ကျေးရွာများ လူဝင်ထွက် ခွင့် ပိတ်ထား
ကိုဗစ်-၁၉ နှင့် စပ်လျဉ်းပြီး ကျန်းမာရေး နှင့် အားကစားဝန်ကြီးဌာန နှင့် ပြည်သူ့ကျန်းမာရေး ဦးစီးဌာန ထုတ်ပြန်ထားသည့် ကို လိုက်နာမှု ပျက်ကွက်ပါက ကူးစက်ရောဂါများ ကာကွယ် နှိမ်နင်း ရေး ဥပဒေ အရ အရေးယူဆောင်ရွက်သွားမည် ဟု သိရသည်။
ကိုဗစ်-၁၉ ကာကွယ် ထိန်းချုပ်သည့် အနေဖြင့် လူ ၅ဦး ထက် ပိုမစုရ ထုတ်ပြန်ချက်သည့် ကောင်းမွန်သော်လည်း တိကျသည့် ညွှန်ကြားချက် မရှိကြောင်း သျှမ်းပြည် လူထုများက ပြောဆိုလိုက်သည်။
“ဒီသင်္ကြန်ကျော်ပြီဆိုရင်တော့ ၅ ယောက် နဲ့ မကျော်ရ ခရီးသည်ကား လာရင် ဘယ်လို လုပ်ကြမလဲ။ တိတိကျကျ ညွှန်ကြားချက်မရှိတာ တော်တော်ခက်တယ်” ဟု Fight Covid-19 Taunggyi မမြဝန်းရံ က သျှမ်းသံတော်ဆင့် ကို ပြောသည်။
Photo by ပင်လောင်းဒေသခံတဦး/ ကိုဗစ်-၁၉ ကာလ အတွင်း ကျေးရွာများ လူဝင်ထွက် ခွင့် ပိတ်ထား
ယခု ကာလသည် မိမိအသိစိတ်ဖြင့် သီးခြားစီ နေထိုင်နေကြခြင်းဖြစ်ပြီး အစိုးရ ထုတ်ပြန်ချက် ကို သေချာ လိုက်နာရန် အထူးလိုအပ်ကြောင်း လည်း သျှမ်းလူထု ကပြောဆိုလိုက်သည်။
“ ဒီကာလ ကတော့ မိမိ အသိစိတ်နဲ့ အိမ်မှာ နေတာကောင်းတယ်။ တချို့ က အိမ်မှာနေပေမယ့် စုပြီး သောက်စားနေတာတွေ့ရတယ်။ ဒါတွေ က မဖြစ်သင့်ဘူး။ တယောက်ချင်းစီရဲ့ အသိစိတ်ပါပဲ” ဟု မူဆယ်ဒေသခံ စိုင်းအောင် က ပြောသည်။
မြန်မာနိုင်ငံတွင် စက်ရုံတွင် အလုပ်လုပ်သည့်သူများ၊ ရုံးဝန်ထမ်းများ ရှိသော်လည်း ထိုသူများအတွက် တိကျသည့် လမ်းညွှန်မှု ထုတ်ပြန်ထားသည်ကို မရှိကြောင်း သျှမ်းနိုင်ငံရေး သုတေသီ တဦး က ပြောသည်။
“လူစု လူဝေး တားတာ မှန်တယ်။ ဒါမယ့် စက်ရုံ အလုပ်ရုံတွေ ပါတယ် ကုမ္ပဏီ ဆိုတဲ့ဟာ ပါတော့ ဥပမာ စက်ရုံတစ်ရုံဆိုရင် ရန်ကုန်မှာ လူနဲ့ ထောင်ချီများတယ်။ သူတို့ လည်ပတ်ဖို့အတွက် ဘယ်လို guideline ပေးမလဲ” ဟု သျှမ်းနိုင်ငံရေး သုတေသီ တဦး က သျှမ်းသံတော်ဆင့် သို့ပြောသည်။
ရောဂါ ထိန်းချုပ်ဖို့အတွက် လူစုလူဝေး ကိုတားမြစ်တဲ့ သဘောဆောင်ပေမယ့် အမှန်တကယ် အနှစ်သာရ ကြည့်လျှင် ချို့ယွင်းချက် များစွာရှိကြောင်းလည်း ၎င်းက ပြောသည်။
ထိုင်းနိုင်ငံတွင် လူစုလူဝေးဖြင့် ပျော်ပွဲစားခြင်း၊ ဘီယာသောက်ခြင်းများကို ထိုင်းရဲများက လိုက်လံ ဖမ်းဆီးကာ(အာမခံချက်ပေးခွင့်လုံးဝမရှိသည့်) ထောင်ဒဏ် ၄လ ချမှတ်ကြောင်း သိရသည်။
မြန်မာနိုင်ငံတွင် ကိုဗစ် ၁၉ ကူးစက်ခံရသူ ၈၅ဦး ရှိပြီး သေဆုံးသူ ၄ဦးရှိလာသည်။
