COVID-19 အတည်ပြု လူနာ အမှတ် (၂၉ ) သည် တောင်ကြီးသားတဦးဖြစ်ပြီး စဝ်စံထွန် ဆေးရုံသို့ လွဲပြောင်းမည်ဖြစ်ကြောင်း ယနေ့ည ၈နာရီ ကျန်းမာရေး နှင့် အားကစား ဝန်ကြီးဌာန ထုတ်ပြန်ချက် အရသိရသည်။

ဧပြီလ ၁၁ ရက် ယနေ့ မြန်မာ တဝှမ်း COVID-19 အတည်ပြု လူနာ ၃ဦးရှိပြီး တဦးမှာ သျှမ်းပြည် တောင်ပိုင်း တောင်ကြီးမြို့နေထိုင်သူဖြစ်သည်။

ထိုသူသည် အသက် (၂၆ ) အရွယ် အမျိုးသား ဖြစ်ပြီး အင်္ဂလန်နိုင်ငံမှ မြန်မာနိုင်ငံသို့ မတ်လ ၂၈ ရက်နေ့က ရောက်ရှိလာပြီး ရန်ကုန်အပြည်ပြည်ဆိုင်ရာ လေဆိပ်မှ တစ်ဆင့် မင်္ဂလာဒုံမြို့နယ်ရှိ သတ်မှတ်ထားသော facility Quarantine ပြုလုပ်ရာမှ ဓာတ်ခွဲ နမူနာ ပေးပို့ စစ်ဆေးခဲ့ပြီး ပိုးတွေ့ရှိခဲ့ခြင်း ဖြစ်ကြောင်းထုတ်ပြန်ချက်တွင် ရေးသားထားသည်။

လက်ရှိ အဆိုပါ လူနာကို သျှမ်းပြည်တောင်ပိုင်း တောင်ကြီးမြို့ရှိ စဝ်စံထွန်းပြည်သူ့ဆေးရုံကြီး လွှဲပြောင်းကုသရန် စီစဉ်လျက်ရှိပြီး လတ်တလော ကျန်းမာရေး အခြေအနေမှာ ကောင်းမွန် လျက်ရှိကြောင်း ထုတ်ပြန်ထားသည်။

မြန်မာတဝှမ်း တွင် COVID-19အတည်ပြုလူနာ ၃၁ဦးရှိခဲ့ပြီး ၃ဦးသေဆုံးခဲ့ကြောင်း သိရသည်။

ယခုလူနာသည် သျှမ်းပြည်တွင် တွေ့ရသော ဒုတိယမြောက် ကိုဗစ် လူနာဖြစ်ပါသည်။

အဆိုပါလူနာသည် အစိုးရကြေငြာချက်ထုတ်ပြီးမကြာခင် ယနေ့ညပိုင်းတွင် တောင်ကြီးစဝ်စံထွန်းဆေးရုံသို့ရောက်နေပြီဖြစ်ကြောင်း ၊ ၄င်းအားသွားကြိုခဲ့သူများအားလည်း Quarantine လုပ်ရန် ချိတ်ဆက်ထားပြီးဖြစ်ကြောင်း သျှမ်းပြည်နယ် ပြည်သူ့ကျန်းမာရေးနှင့် ကုသရေးဦးစီးဌာနမှ ဒေါက်တာ နှင်းအိဖြူက မီဒီယာများသို့ဖြေကြားသည်။