ယခုနှစ် သင်္ကြန်ရုံးပိတ်ရက် ကာလ အတွင်း ပုံမှန်ဝင်ငွေမရှိသည့် အခြေခံ လူတန်းစားများကို အစိုးရစားနပ်ရိက္ခာ ထောက်ပံ့သွားမည်ဟု သတင်းရရှိသည်။
COVID-19 ကာကွယ်ရေး အတွက် သင်္ကြန်ရုံးပိတ်ရက် အတွင်း ပုံမှန်ဝင်ငွေမရှိသည့် အခြေခံလူတန်းစားများကို စားနပ်ရိက္ခာများထောက်ပ့ံပေးမည်ဖြစ်ပြီး အိမ်သုံးအမျိုးအစားလျှပ်စစ်ဓာတ်အားသုံးစွဲမှုကိုလည်း ဧပြီလ ကုန်ထိ အခမဲ့ ပေးသွားမည် ဟု အစိုးရ က ထုတ်ပြန်လိုက်သည်။
ယနေ့ ဧပြီ ၆ ရက်စွဲဖြင့် COVID-19 ကာကွယ် ထိန်းချုပ် ကုသရေး အမျိုးသားအဆင့် ဗဟို ကော်မတီ က ကြေငြာချက်တစောင်ထုတ်ပြန်ထားခြင်းဖြစ်သည်။
ယခု ဧပြီလ မှ စတင်ကာ ပုံမှန်ဝင်ငွေမရှိသည့် အခြေခံ လူတန်းစားများအတွက် အိမ်ထောင်စု တစု လျှင် ဆန် (၈)ပြည်၊ ဆီ(၅၀) ကျပ်သား၊ ပဲ(၁)ပိဿာ နှင့် ကြက်သွန် ၁ ပိဿာစသည်တို့ အခမဲ့ ဖြန့်ဖြူး သွားမည် ဖြစ်ကြောင်း ထုတ်ပြန်ချက်တွင် ရေးသားထားသည်။
ထို့ပြင် အိမ်သုံးအမျိုးအစား လျှပ်စစ် ဓာတ်အား သုံးစွဲမှု (၁၅၀) ယူနစ် အထိကို လည်း အခမဲ့ ဖြန့်ဖြူးသွားမည် ဖြစ်ကြောင်း လည်း ထုတ်ပြန်ချက်တွင် ဖော်ပြထားသည်။
ထို့သို့ ဆောင်ရွက်ရာတွင် မလိုလားအပ်သည့် လေလွင့်မှုများ ကြန့်ကြာမှုများ၊ အဂတိလိုက်စားမှုများ မဖြစ်ပေါ်စေရန် အတွက် တိုင်းဒေသကြီး၊ ပြည်နယ် အစိုးရများ၏ ကြီးကြပ်မှုဖြင့် စာရင်းကောက်ယူခြင်း ဖြန့်ဖြူးသွားမည် ဟု လည်း သိရသည်။
Leave a Comments