သျှမ်းပြည် အတွင်း ယနေ့( ဧပြီ ၃ရက် )ထိ COVID-19 စောင့်ကြည့်လူနာ ၉၃ ဦးရှိကြောင်း သျှမ်းပြည်နယ်အစိုးရထံမှ စုံစမ်းသိရသည်။
သျှမ်းပြည်နယ် အတွင်း ယနေ့ထိ စောင့်ကြည့်လူနာ ၉၃ ဦးရှိကာ သက်ဆိုင်ရာမြို့နယ်များတွင် ထားရှိပြီး ပြန်လည်သက်သာလာသည့်လူနာ ၂၉ ဦး ဆေးရုံမှ ဆင်းခွင့်ရသွားပြီဖြစ်ကြာင်း သျှမ်းပြည်နယ်အစိုးရ အဖွဲ့ဝင် လူမှုရေးဝန်ကြီး ဒေါက်တာမျိုးထွန်းက သျှမ်းသံတော်ဆင့် ကို အတည်ပြု ပြောသည်။
“လက်ရှိ ဆေးရုံမှာ စောင့်ကြည့်ကုသဆဲ လူနာ ၅၇ ဦးရှိပြီး ကျောက်မဲက ပိုးတွေ့ လူနာ ၁ ဦးလည်း ကျန်းမာရေးကောင်းမွန် နေပါတယ်” ဟု ဒေါက်တာမျိုးထွန်း က ပြောသည်။
COVID-19 ရောဂါ ကာကွယ်ရန်အတွက် လက်ရှိ သျှမ်းပြည်နယ်အတွင်းရှိ မြို့ရွာများတွင် ကျန်းမာရေး ပညာပေး များ ပြုလုပ်နေကြကြောင်းသိရသည်။
မြန်မာနိုင်ငံတွင် COVID-19 အတည်ပြု လူနာ ၂၀ ဦးရှိပြီး၊ တဦးသေဆုံးခဲ့သည်။ စောင့်ကြည့် သံသယရှိသူ ၆၄၄ ဦး ၊ ဓာတ်ခွဲခန်း အဖြေစောင့်နေသူ ၉၀ ရှိကြောင်း ကျန်းမာရေး နှင့် အားကစား ဝန်ကြီးဌာန ထုတ်ပြန်ချက် အရ သိရသည်။
Leave a Comments