သျှမ်းပြည်မြောက်ပိုင်း ကွတ်ခိုင်မြို့နယ် ကောင်းခါး ကျေးရွာ အနီးတွင် ကျပ်သိန်း ၄၈ ဘီလီယံကျော်ရှိ မူးယစ်ဆေးဝါးများကို သိမ်းဆည်းရမိကြောင်း သိရသည်။

အဆိုပါ မူးယစ်ဆေးဝါးများကို ယမန်နေ့ (ဧပြီ ၁) ရက်က ကွတ်ခိုင်မြို့နယ် ကောင်းခါးကျေးရွာ အနီးရှိ လျှိုအတွင်း စိတ်ကြွဆေးပြားများ၊ ဘိန်းဖြူမှုန့်များ့နှင့် WY စာတန်းပါစိတ်ကြွဆေးပြား ကျပ်သိန်း ၄၈ ဘီလီယံ ကျော် သိမ်းဆည်းရမိကြောင်း တပ်မတော် သတင်းမှန် ပြန်ကြားရေး ထုတ်ပြန်ချက် အရသိရသည်။

ထို သိမ်းဆည်းရမိသည့် မူးယစ်ဆေးဝါးများနှင့် မူးယစ်ဆေးဝါး ချက်လုပ်ရာတွင် အသုံးပြုသည့် ဆက်စပ်ပစ္စည်းများ ကို ကွတ်ခိုင်မြို့ ရှိ မူးယစ်တပ်ဖွဲ့စုသို့ စနစ်တကျ လွှဲပြောင်း အပ်နှံသွားမည်ဟု လည်း ထုတ်ပြန်ချက်တွင်ရေးသား ထားသည်။

ယခုနှစ် ဖေဖော်ဝါရီ ၂၈ ရက်မှ ဧပြီလ ထိ ကွတ်ခိုင်မြို့နယ် ကောင်းခါးကျေးရွာ နှင့် လွယ်ခမ်းကျေးရွာ အနီးတွင် မူးယစ်ဆေးဝါး နှင့် ဆက်စပ်ပစ္စည်းများ စုစုပေါင်း ခန့်မှန်းငွေ ကျပ် ၃၉၃ ဘီလီယံကျော် ရှိကြောင်းသိရသည်။

မတ် ၃၁ ရက် နှင့် ဧပြီ ၁ ရက်ကလည်း ကောင်းခါး ပြည်သူ့စစ် (ဌာနေ) အဖွဲ့မှ တပ်မတော်သို့ လက်နက်မျိုးစုံ ၄၈ လက်၊ ထပ်မံ အပ်နှံသည့်အတွက် စုစုပေါင်း လက်နက်စုံ ၁၉၀၆ လက်၊ ကျည်မျိုးစုံ ၅၁၀၀၆၂ တောင့်၊ ဗုံးသီး၊ ဒုံးသီး မျိုးစုံ ၂၁၉၇ လုံး၊ လက်ပစ်ဗုံး ၁၁၀၀လုံးဝ မိုင်း ၂၉ လုံး နှင့် ဆက်စပ်ပစ္စည်းများ အပ်နှံခဲ့ပြီးဖြစ်ကြောင်း သိရသည်။

ထို့ကြောင့် ကောင်းခါးပြည်သူ့စစ် (ဌာနေ) အဖွဲ့ဝင်များ၏ ဝမ်းရေး လိုအပ်ချက်များနှင့် စိုက်ပျိုးရေး ၊ မွေးမြူရေး လုပ်ငန်းနှင့် တရားဝင် စီပွားရေး လုပ်ငန်းများ ဆက်လက် လုပ်ကိုင် နိုင်ရေး အတွက် တပ်မတော်မှ လိုအပ်သည်များ ပံ့ပိုး ကူညီဆောင်ရွက်ပေးလျက်ရှိကြောင်း လည်း တပ်မတော် သတင်းမှန်ပြန်ကြားရေး သတင်းအရ သိရသည်။