(ယိင်းယိင်း ရေးသားပေးပို့သည်)

ကမ္ဘာ့ကူးစက်မြန်ရောဂါကြောင့် မဏ္ဍပ်ဖြင့် ရိုးရာသင်္ကြန်ပွဲတော်အပါအဝင် ရုပ်ရှင်ရုံ နှင့် လူစည်ကားပွဲများ အားလုံး ၂၀၂၀ ဧပြီလကုန်သည့်အထိ ပိတ် ထားရန် လိုအပ်ပါက ပိတ်ရက်ထပ်တိုးရန် နိုင်ငံတော် သမ္မတရုံးက ယနေ့ ထုတ်ပြန် လိုက် သည်။

၂၀၂၀ မတ်လ ၁၃ ရက် က အချက် ၅ ချက်ပါ နိုင်ငံတော် သမ္မတရုံးမှ ပြည်သူသို့ ပန်ကြားချက်တွင် – အသက် ရှူ လမ်းကြောင်းဆိုင်ရာရောဂါ Coronavirus Disease 2019 ( COVID – 19 ) သည် လူစုလူဝေးများပြားရာ နေရာများတွင် လျှင်မြန်စွာ ကူးစက်နိုင်သည့်အတွက် ပြည်သူလူထုအနေဖြင့် မြန်မာ့ရိုးရာသင်္ကြန်ပွဲတော် အတွက် မဏ္ဍပ်ဆောက်လုပ်ကျင်းပခြင်း အပါအဝင်၊ အခမ်းအနား ပွဲလမ်းသဘင်များ အား ဧပြီလ ၃၀ ရက်နေ့ အထိ မပြုလုပ်ကြရန်၊ လိုအပ်ပါက ရပ်ဆိုင်းကာလ ထပ်မံတိုးမြှင့်သတ်မှတ်သွားမည်ဟု ထုတ်ပြန်ထားသည်။

ပြည်ထောင်စုမြန်မာနိုင်ငံ သမ္မတ အိမ်တော် ပုံမှန် သတင်းစာရှင်းလင်းပွဲတွင် နိုင်ငံတော် သမ္မတရုံးပြော ခွင့်ရ ဦးဇော်ဌေး က – “မတ်လ ၁၁ ရက်နေ့ညနေပိုင်းမှာဘဲ WHO ကနေပြီးတော့ ကမ္ဘာလုံးဆိုင်ရာ ကပ်ရောဂါ မှတ်တမ်းအဖြစ်ကြေငြာ ခဲ့ပြီးတော့ ကျနော်တို့ ရောဂါ ကာကွယ်ထိန်းချုပ်ရေးအတွက် မတ်လ ၁၂ ရက်နေ့ နေ့လည်ပိုင်း မွန်းလွဲ ၂ နာရီမှာ နိုင်ငံတော်အတိုင်အပင်ခံပုဂ္ဂိုလ် ဦးဆောင်ပြီးတော့ အရေးပေါ်အစည်းအဝေး ကျင်းပခဲ့ပါတယ်။ အထူးသဖြင့် ရောဂါ ကာကွယ်ရေး ၊ထိန်းချုပ်ရေး၊ ကုသရေးအစီအမံတွေ နောက်ရေရှည်ကာလ မှာဖြစ်လာ နိုင်တဲ့ ဆိုးကျိုးတွေ ၊ စီးပွါးရေးအပါအဝင် ထိခိုက်နိုင်တဲ့ ကဏ္ဍတွေကိုကျယ်ကျယ်ပြန့်ပြန့် ဆွေးနွေးပြီးတော့ ကြိုတင်ပြင် ဆင်တဲ့အပိုင်းတွေကို အဓိကထား ဆောင်ရွက်နေတာဖြစ်ပါတယ် ” – ဟု ပြောသည်။

သျှမ်းပြည်နယ်အစိုးရ ညွှန်ကြားစာတွင် – မြန်မာနိုင်ငံ၏ COVID 19 ရောဂါဖြစ်ပွားမှု အခြေအနေမှာ မတ်လ ၁ ရက်နေ့အထိ သံသယလူနာ နှင့် စောင့်ကြည့်လူနာ ရန်ကုန်တွင် ၁၄ ဦး၊ သျှမ်းပြည်တွင် ၁၂ ဦး၊ မန္တလေး တွင် ၈ ဦး အခြား ပြည်နယ်နှင့်တိုင်းတွင် ၁၁ ဦး စုစုပေါင်း ၄၅ ဦးရှိပြီး ဓါတ်ခွဲစစ်ဆေးရာမှာ ရောဂါပိုး မတွေ့ရှိရ ကြောင်း၊ ကပ်ရောဂါ ကြိုတင်ကာကွယ်နှိမ်နှင်းရန်အတွက် သျှမ်းပြည်နယ်အတွင်း ရိုးရာဓလေ့ ပွဲတော်များ ကျင်းပမှု ရက်ရွှေ့ဆိုင်းခြင်း ဖျက်သိမ်းခြင်းများ ပြုလုပ်ရန်လိုအပ်ကြောင်း ကိုယ်ပိုင်အုပ်ချုပ်ခွင့်ရဒေသ များအပါ အဝင် ခရိုင် ၊ မြို့နယ်အသီးသီးအား အကြောင်းကြားစာပေးပို့ထားသည်။

ယနေ့ ကမ္ဘာတဝှမ်း COVID 19 ရောဂါဖြစ်ပွားမှု နောက်ဆုံးအခြေအနေမှာ ရောဂါကူးစက်မှုအများဆုံး သည် တရုတ်နိုင်ငံဖြစ်ပြီး ကူးစက်သူ ၈ သောင်းကျော် ၊ ကုသပျောက်ကင်းသူ ၆၄၀၀၀ ကျော်၊ သေဆုံးသူ ၃၁၇၇ ဦးရှိကြောင်း၊ ဒုတိယ အများဆုံးမှာ အီတလီနိုင်ငံဖြစ်ပြီး ကူးစက်သူ ၁၅၀၀၀ ကျော် ကုသပျောက်ကင်းသူ ၁၂၀၀၀ ကျော် ၊ သေဆုံးသူ ၁၀၁၆ ဦး ရှိသွားပြီဖြစ်ကြောင်း၊ မြန်မာနိုင်ငံနှင့် နယ်နိမိတ်ထိစပ်နေသည့် ထိုင်းနိုင်ငံတွင်မူ ရောဂါကူးစက်ခံရသူ ရ၅ ဦး ကုသ ပျောက်ကင်းသူ ၃၅ ဦး ကုသနေဆဲ ၃၉ ဦး သေဆုံးသူ ၁ ဦး ရှိကြောင်း၊ ရောဂါကူးစက်မှုရှိသည့်နိုင်ငံအဆင့် ၄၁ ဖြစ်ကြောင်းသိရသည်။