သျှမ်းပြည် အရှေ့ပိုင်း မိုင်းခုတ်မြို့နယ်အတွင်း ကျပ်သိန်း တသောင်းကျော် တန်ဖိုးရှိ မူးယစ်ဆေးများကို သိမ်းဆည်းရမိပြီး တရားခံ လွှတ်မြောက်ကြောင်း သတင်းရရှိသည်။
မိုင်းခုတ်မြို့နယ် တန့်ဆိုင်ကျေးရွာ အုပ်စု ကျဘိုရှိး ကျေးရွာ အနီးတွင် ဖေဖော်ဝါရီ ၂၁ ရက် တွင် မူးယစ်ဆေးဝါး ကျပ်သိန်း တသောင်းကျော် ကို ဖမ်းဆီးရမိကြောင်း မူးယစ်ရဲတပ်ဖွဲ့ ထုတ်ပြန်ချက် အရသိရသည်။
ဖေဖော်ဝါရီ ၂၁ရက် ညနေ ၅နာရီ ဝန်းကျင်တွင် ကျဘိုရှီးကျေးရွာအနီး မသင်္ကာသူ ၅ဦးကို စစ်ဆေးရန် ရပ်ခိုင်းစဉ် ၎င်းတို့ သယ်ဆောင်လာသည့် အိတ်များကို ပစ်ချပြီး ထွက်ပြေးသွားသဖြင့် ထိုအိတ်ထဲတွင် ICE အလေးချိန် ၁၀ ကီလို (ဒေသ ပေါက်ဈေး ကျပ်သိန်း ၂၀၀၀) နှင့် စိတ်ကြွဆေးပြား ကာလပေါက်ဈေး ၉၉၉၆ သိန်း တို့ကို သိမ်းဆည်းရမိကြောင်း ထုတ်ပြန်ချက်တွင်ရေးသားထားသည်။
အဆိုပါ မူးယစ်ဆေးဝါး သယ်ဆောင်လာသူများကို မူးယစ်ဆေးဝါး နှင့်စိတ်ကို ပြောင်းလဲ စေသော ဆေးဝါး များဆိုင်ရာဥပဒေ ဖြင့် အမှုဖွင့်ထားပြီး ထွက်ပြေးသွားသည့် မသင်္ကာသူ ၅ဦး ကို ဖမ်းဆီးရမိရေး အတွက် စုံစမ်း စစ်ဆေးလျက်ရှိကြောင်းသိရသည်။
Leave a Comments