သျှမ်းပြည် ပြန်လည် ထူထောင်ရေး ကောင်စီ၊ သျှမ်းပြည်တပ်မတော် (RCSS/SSA) မှ ဖမ်းဆီးရမိသည့် မူးယစ်ဆေးများ ကို တပ်မတော်နှင့် အစိုးရ ထံ လွှဲပြောင်းပေးခဲ့ကြောင်း သတင်းရရှိသည်။
Photo by SHAN/ ဖမ်းဆီးရမိသည့် မူးယစ်ဆေးများ အပ်နှင်းနေသည့် ပုံ
ဖေဖော်ဝါရီ ၁၄ရက် မနက် ၇နာရီခွဲတွင် သျှမ်းပြည် မြောက်ပိုင်း ကျောက်မဲမြို့နယ် ကျောက်မဲ နှင့် မိုင်းလုံ ကားလမ်း လွယ်ကုန်ကျေးရွာ အနီးတွင် ဘိန်းဖြူ (၃၃၀) ဂရမ်နှင့် အမျိုးသား ၄ဦး ကို ဖမ်းဆီးရမိခဲ့ကြောင်း (RCSS/SSA) ထုတ်ပြန်ချက်တွင် ရေးသားထားသည်။
ထို ဖမ်းဆီးရမိသည့် ဘိန်းဖြူ နှင့် အမျိုးသား(၄) ဦး လွှဲပြောင်းမှုကို သျှမ်းပြည် မြောက်ပိုင်း ကျောက်မဲမြို့နယ် မန်ခါကျေးရွာ အုပ်စု တွင် လွှဲပြောင်းပေးခဲ့သည်။
RCSS/SSA အနေဖြင့် ဖမ်းဆီးရမိသည့် မူးယစ်ဆေးများ ကို မြန်မာ့တပ်မတော်နှင့် အစိုးရထံ အပ်နှင်းခြင်း တတိယကြိမ်ဖြစ်ကြောင်း သိရသည်။
RCSS/SSA သည် ၂၀၁၉ ခုနှစ် မေ ၈ ရက်တွင် သျှမ်းပြည် အရှေ့ပိုင်း မိုင်းတုံမြို့နယ်တွင် တကြိမ်၊ ယခုနှစ် ဇန်နဝါရီ ၁၈ ရက်တွင် ကျပ်သိန်း ( ၄၂၅၆ ) တန်ဖိုးရှိ မူးယစ်ဆေးဝါးများကို သျှမ်းပြည် မြောက်ပိုင်း ကျောက်မဲမြို့နယ် မိုင်းတင်းကျေးရွာတွင် တကြိမ် တပ်မတော်နှင့် အစိုးရထံ အပ်နှင်းခဲ့သည်။
Leave a Comments