သျှမ်းပြည် မြောက်ပိုင်း မိုင်းရယ် မြို့မဈေးမီးလောင်မှု ဖြစ်ပွားခဲ့ကြောင်း သတင်းရရှိသည်။
ယမန်နေ့ (ဖေဖော်ဝါရီ ၂) မနက် ၉ နာရီခွဲ ဝန်းကျင်တွင် မိုင်းရယ် မြို့မဈေး မီးလောင်မှုဖြစ်ပွားခဲ့ကာ၊ ဒဏ်ရာရရှိခြင်းမရှိကြောင်း မိုင်းရယ်မြို့ပြည်သူ့လွှတ်တော် ကိုယ်စားလှယ် စိုင်းသီဟကျော် က သျှမ်းသံတော်ဆင့် သို့ ပြောသည်။
“ အထည်ရောင်းတဲ့ဆိုင်က ရေနွေးအိုးတည်ထားပြီး အိမ်ပြန်သွားတာ ။ ရေခမ်းပြီး မီးလောင်တော့တာပဲ။ ဆိုင်ခန်း ၁၈ ခန်း ပါသွားတယ်” ဟု စိုင်းသီဟကျော် က ဆိုသည်။
မီးလောင်သွားသည့် ဆိုင်ခန်း ၁၈ ခန်း ထဲမှ ဆိုင်ခန်း ၃ခန်းသည် ဆုံးရှုံးမှု အများဆုံးဖြစ်ကြောင်း စိုင်းသီဟကျော် က ပြောသည်။
“ မီးလောင် ဆုံးရှုံးမှု အားလုံးက ကျပ်သိန်း ၁၀၀ ကျော်လို့တော့ ပြောလာတယ်။ အစိုးရဘက်က တော့ ဆုံးရှုံးမှု သိပ်မရှိဘူးလို့ ပြောတယ်” ဟု စိုင်းသီဟကျော် က ပြောသည်။
မီးလောင်စဉ်တွင် ဈေးသူ၊ဈေးသားများ က မီးကူငြိမ်းသတ်ကြသဖြင့် မီးငြိမ်းသွားကြောင်းလည်း သိရသည်။
လွန်ခဲ့သည့် ၂၀၁၆ တွင် လည်း သျှမ်းပြည် မြောက်ပိုင်း နမ့်လန်မြို့ မ ဈေး မီးလောင်မှု ဖြစ်ပွားခဲ့သည်။
Leave a Comments