သျှမ်းပြည် မြောက်ပိုင်း သီပေါမြို့နယ် အတွင်း မိုးသည်းထန် ရွာသွန်းမှု ကြောင့် အိမ်ခြေ ၁၆၀ကျော် ပျက်စီးဆုံးရှုံးခဲ့ကြောင်း သီပေါမြို့ဒေသခံများ ပြောပြချက် အရ သိရသည်။
ဇန်နဝါရီ ၁ရက်နေ့ ည ၉ နာရီကျော်တွ မိုးသည်းထန်ရွာသွန်းကာ မိုးသီးကျသဖြင့် သီပေါမြို့နယ် ဟိုနောင်ကျေးရွာ၊ ကုန်းပြင်ကျေးရွာ နှင့် ကုန်းဆာကျေးရွာ ရှိ အိမ်ခြေ ၁၀၀ကျော် ပျက်စီးဆုံးရှုံးခဲ့ကြောင်း ကုန်းဆာကျေးရွာ ဒေသခံ လုံးစိုင်းဆိုင်ဟန် က သျှမ်းသံတော်ဆင့် သို့ ပြောသည်။
“အဲ့နေ့က လေတွေ အရမ်းတိုက်တယ်။မိုးသီးကလည်းကျတော့ နေအိမ်တချို့ဆိုဘာမှ မရအောင် ပျက်စီးတယ်။ တချိ့အိမ်တွေ ခေါင်းမိုးတွေ ပျဉ်တောင်တွေ လွှင့်တယ်” ဟု လုံးစိုင်းဆိုင်ဟန် က ဆိုသည်။
အဆိုပါ နေအိမ်များ ပျက်စီးမှု နှင့် ပတ်သက်ပြီး လူမှုဝန်ထမ်း၊ကယ်ဆယ်ရေး နှင့် ပြန်လည် နေရာချထားရေး မှ ထေက်ပံ့ငွေ ကျပ်သိန်း ၁၀၀ ကျော် လာရောက်လှူဒါန်းကြောင်းလည်း လုံးစိုင်းဆိုင်ဟန် က ပြောသည်။
“ ပျက်စီးသွားတဲ့နေအိမ်တွေ က ပြင်နေတုန်းပါ။ ဆွေမျိုးတွေ အိမ်မှာ ပဲ သွားအိပ်ရတယ်” ဟု လည်း လုံးစိုင်းဆိုင်ဟန် က ပြောသည်။
