သျှမ်းပြည် တောင်ပိုင်း မိုင်းပန်မြို့ နယ် သံလွင်မြစ်ကူး တာဆန်းတံတားပေါ်တွင် ကျပ်သိန်း ၁သောင်းကျော် တန်ဖိုးရှိ မူးယစ်ဆးဝါး ဖမ်းဆီးရမိကြောင်း သတင်းရရှိသည်။
ဖြစ်စဉ်မှာ ဒီဇင်ဘာ ၈ ရက်နေ့ ညနေ ၃နာရီတွင် မိုင်းပန်မြို့ ဘက်မှ တာဆန်းတံတားဘက်သို့ အသက် ၂၃နှစ် အရွယ် စိုင်းစွမ်ဟိန်း နှင့် အသက် ၂၀ စိုင်းနော်ခမ်းတို့ မောင်းလာသည့် ကားကို တာဆန်းတံတားပူးပေါင်း စစ်ဆေးရေး စခန်းတွင် စစ်ဆေးရာ စိတ်ကြွဆေးပြား ၁၁၅၀၀၀၀ပြား (ကာလပေါက်ဈေး ၁၁၅၀၀)သိန်း တို့ ဖမ်းဆီးရမိကြောင်း မူးယစ်ရဲတပ်ဖွဲ့ ထုတ်ပြန်ထားသည်။
အဆိုပါ မူးယစ်ဆေးဝါးကို သယ်ဆောင်လာသည့် အမျိုးသား ၂ဦးကို မိုင်းပန်မြို့မ ရဲစခန်း တွင် မူးယစ်ဆေးဝါး နှင့် စိတ်ကို ပြောင်းလဲစေသော ဆေးဝါးများဆိုင်ရာ ဥပဒေဖြင့် အမှုဖွင့်ထားပြီး ကွင်းဆက်များဖော်ထုတ်စစ်ဆေးလျက်ရှိကြောင်း သိရသည်။
Leave a Comments