တောင်ကြီးမြို့တွင်နဝမတန်းကျောင်းသူတစ်ဦးအား အုပ်စုဖွဲ့ကာ ဓါးဖြင့်ခုတ်ခဲ့သည့် ပြစ်မှုကျူး လွန်သူများမှာ အသက် ၁၈ နှစ်အောက်ကျောင်းသားလေးများဖြစ်နေကြောင်း သိရသည် ။
အဆိုပါဓါးခုတ်တရားခံကျောင်းသားလေးများအား မတ်လ ၅ ရက် က တောင်ကြီးမြို့နယ်မြေခံရဲများက ဖမ်းဆီးမိခဲ့ခြင်းဖြစ်ကြောင်းသိရပါသည်။
တောင်ကြီးမြို့၊ မင်္ဂလာဦးရပ်ကွက် ၊ စန္ဒာလမ်းရှိ Twin Kid အနီးတွင် နဝမတန်းကျောင်းသူ တစ်ဦးအား ဓါးဖြင့် ခုတ် ၊ သံ တုတ်ဖြင့်ရိုက်ခဲ့သည့် ပြစ်မှုကျူးလွန်သူ များမှာ အသက် ၁၂ နှစ်မှ ၁၆ နှစ်အထိသာ ရှိသေး သည့် အထက်တန်းကျောင်းသားလေးများဖြစ်ပြီး တက္ကသိုလ်ဝင်တန်းဖြေဆိုမည့် ကျောင်းသား တဦးပါဝင်ကြောင်း တောင်ကြီးမြို့ ၊ နယ်မြေရဲစခန်းမှ သိရသည် ။
ပြစ်မှုကျူးလွန်သူများမှာ အသက်မပြည့်သေးသူများဖြစ်နေရာ ရဲစ ခန်းတွင်ချုပ်ပိုင်ခွင့်မရှိသောကြောင့် တရားရုံးတွင်ထိန်းသိမ်းခွင့်တောင်း ထားကြောင်း၊ မြို့နယ်ဥပဒေရုံးတွင်အကြံပြုချက်တောင်းခံကာ ဥပဒေ အကြံ ပြုချက်အတိုင်းအဆိုပါပြစ်မှု ကျူးလွန်သူများကို ဆက်လက်တရား စွဲဆို သွားပြီဖြစ်ကြောင်း နယ်မြေရဲစခန်း မှ စခန်းမှူး စိုးမိုးအောင်ကပြောသည် ။
” ဒီလိုအမှုဟာသာမာန် အရက်သောက်ပြီးမူးလို့ဖြစ်တဲ့အမှုမဟုတ်ဘဲနဲ့ ဘာမဟုတ်တဲ့ကိစ္စလေးနဲ့ ခုလိုမျိုးမင်းမဲ့စရိုက်ဆန်ဆန်ဖြစ်နေတာ၊ ဒီဓါးတွေဆိုင် ကယ်ထဲပါလာတာကိုက ကောင်းကိုမကောင်း တော့ဘူး။ ဒီကလေး(၆) ယောက်မှာခုတ်တာတစ်ယောက် ၊ ရိုက်တာတစ်ယောက် ကျန်တဲ့လေး ယောက်ကတော့သူတို့ကိုယ်တိုင်လိုက်ပါနေတာဖြစ်တဲ့အတွက် ပြစ်မှုကျူး လွန်သူကို အားပေးကူညီမှု ပေါ့ ” ၄င်းကပြောသည် ။
ဖေဖော်ဝါရီလ ၂၈ ရက်နေ့ ညနေ ၆ နာရီခန့်က တောင်ကြီးမြို့ အထက ၃ မှ ဆိုင်ကယ်မောင်းနှင်သည့် ကိုးတန်းကျောင်းသူတဦး အား အဆိုပါကျောင်းသားလေးများက ဓါးဖြင့်ထိုးကာ သံတုတ်ဖြင့်ရိုက်နှက်ခဲ့ခြင်းဖြစ်ကြောင်း နယ်မြေရဲစခန်းက ပြောဆိုပါသည်။
Leave a Comments