သျှမ်းပြည် မြောက်ပိုင်း ကျောက်မဲမြို့တွင် မကြာခဏ ပစ်ခတ်မှု ဖြစ်ပွားသဖြင့် ဒေသခံများ နောက်ကျောမလုံ သွားလာနေရ ကြောင်း သတင်းရရှိသည်။
အောက်တိုဘာ ၂၄ရက် ည ၉ နာရီ တွင် အမည်မသိ လက်နက်ကိုင် အဖွဲ့က ခရိုင်ပြည်ခိုင်ဖြိုးရုံးရှေ့ နှင့် ကားကြီးဂိတ် ရှေ့တွင် လာရောက် ပစ်ခတ်မှု ဖြစ်ပွားခဲ့ကြောင်း လူထိခိုက်မှု မရှိကြောင်း ကျောက်မဲ မြို့နယ် ပြည်နယ် မဲဆန္ဒနယ် အမှတ်(၁) စိုင်းထွန်းဝင်း က သျှမ်းသံတော်ဆင့် သို့ ပြောသည်။
“ မနေ့ ၉ နာရီမှာ လာပစ်သွားတယ်။ လူထိခိုက်မှုတော့မရှိဘူး။ ဒါပေမယ့် ဒေသခံတွေကတော့ သတိနဲ့ သွားလာ နေရတယ်။ ကြောက်နေရတယ်” ဟု စိုင်းထွန်းဝင်း က ဆိုသည်။
ကျောက်မဲမြို့နယ် တွင်မကြာခဏ ဖြစ်ပွားမှု ပစ်ခတ်ခံနေရသဖြင့် စိုးရိမ်ထိတ်လန့်နေရကြောင်း၊ တရားဥပဒေ စိုးမိုးမှု မရှိသဖြင့် လုံခြုံရေး မရှိကြောင်း၊ ကျောက်မဲပြည်သူလူထု အနေဖြင့် သတိထား သွားလာနေရကြောင်းလည်း စိုင်းထွန်းဝင်း က ပြောဆိုလိုက်သည်။
“ ဒီမှာ နေရတာ နောက်ကျော မလုံဘူး။ ကိုယ်နောက် ဘယ်သူလာပြီး ပစ်မလဲဆိုတာ ကြောက်နေရတယ်။ အရာရာ ကို ကြောက်နေရတယ်” ဟု ကျောက်မဲဒေသခံ တဦးဖြသည့် စိုင်းမောင်လှ က သျှမ်းသံတော်ဆင့် သို့ ပြောသည်။
ယမန်နေ့ ကျောက်မဲမြို့ ခရိုင်ကြံ့ခိုင်ရေး ရုံးရှေ့ပစ်ခတ်မှုသည့် မည်သည့် လက်နက်ကိုင် အဖွဲ့ ဖြစ်သည်ကိုတော့ မသိရသေးကြောင်း စိုင်းမောင်လှက ပြောသည်။
ကျောက်မဲမြို့နယ် တွင် တိုင်းရင်းသားလက်နက်ကိုင် တပ်ဖွဲ့ ပေါင်းစုံ လှုပ်ရှားသည့်ေ နရာ ဖြစ်ပြီး ကျောက်မဲမြို့နယ် အတွင်း မကြာခဏအရပ်သားပြည်သူများ ပစ်ခတ်ခံရကာ တကြိမ်တခါမျှ တရာခံ ပေါ်ပေါက်ခြင်း မရှိသေးပေ။
လွန်ခဲ့သည် ရက်ပိုင်းတွင်လည်း ကျေက်မဲမြို့ နယ် DENKO စက်သုံးဆီဆိုင် အများသုံး အိမ်သာ အတွင်း ၌ မိုင်းတု ဖြင့်ထောင်ကာ ငွေခြိမ်းခြောက်မှု လည်း ရှိခဲ့သေးသည်။
Leave a Comments