သျှမ်းပြည်နယ် အတွင်းရှိ သတင်းမီဒီယာသမားများ တွေ့ဆုံဆွေးနွေးပွဲ ကျင်းပ

0

သျှမ်းပြည်နယ်အတွင်းရှိ သတင်းမီဒီယာ သမားများ မှ သတင်းသမားနှင့် လုံခြုံရေး ခေါင်းစဉ်ဖြင့် တောင်ကြီး မြို့ ၊စိန်ပန်းရပ် ၊ အောင်မြေဘုံစံ ကျောင်းတိုက်တွင် ဆွေးနွေးပွဲ ကျင်းပခဲ့သည် ။

Photo SHAN- သျှမ်းပြည်နယ် အတွင်းရှိ သတင်းမီဒီယာသမားများ တွေ့ဆုံဆွေးနွေးပွဲ ကျင်းပ

သြဂုတ်လ ၁၅ ရက်နေ့က ကျင်းပသော အဆိုပါဆွေးနွေးပွဲတွင် သျှမ်းပြည််နယ်တွင်းရှိသတင်းသမားများအားလုံးစည်းလုံး ညီညွတ်မှုရှိစေရန်နှင့် ခိုင်မာအားကောင်း သော သတင်းမီဒီယာ များဖြစ်ပေါ်လာစေရန်ရည်ရွယ်ကြောင်း ဦးဆောင်ကျင်းပသည့် Taunggyi Journalist Association (TJA) အဖွဲ့ မှ စည်သာဟိန်းရှင်းပြသည် ။

” မီဒီယာ ကတဖြည်းဖြည်းကျဆင်းလာတယ် တရားစွဲခံရတယ် ၊ ခြိမ်းခြောက် ခံရတယ် စတာတွေကို အဖြေရှာ ဖို့လုပ်တာဖြစ်တယ် ။ ရလာဒ် ကိုတော့ ထုတ်ပြန်ချက် နဲ့လည်းထုတ်မယ် ၊ အစိုးရကိုလဲပေးပို့သွားမှာဖြစ်တယ် ” ဟု ဆက်လက်ပြောသည် ။

Photo SHAN- သျှမ်းပြည်နယ် အတွင်းရှိ သတင်းမီဒီယာသမားများ တွေ့ဆုံဆွေးနွေးပွဲ ကျင်းပ

ယင်းဆွေးနွေးပွဲသို့ သျှမ်းရှေ့ ၊ သျှမ်းတောင် ၊ သျှမ်းမြောက် မှ သတင်းသမားများ တက်ရောက်ဆွေးနွေးခဲ့ကြောင်းသိရသည် ။

“အဓိကတော့ သျှမ်းပြည်နယ် သတင်းသမားအနေနဲ့ သတင်း ယူတဲ့နေရာမှာ ကန့်သတ်နယ်မြေတွေ ရှိတယ် ၊ ထိန်းချုပ် နယ်မြေတွေရှိတယ် ၊ စစ်မက်ပဋိပက္ခ ဖြစ်နေတဲ့ နယ်မြေတွေရှိတယ် ၊ မှောင်ခိုကုန်သွယ်မှုနဲ့ မူးယစ်ဆေးဝါးပြသနာတွေကလဲကြီးကြီးမားမားရှိနေ တယ် ။ ဒီလိုအခြေအနေတွေမှာ သျှမ်းပြည်နယ် သတင်းထောက်တွေက သတင်းရေးသား နေရတယ်။ တစ်ဖက်က လုံခြံုရေးခြိမ်းခြောက်မှုတွေရှိသလို ဥပဒေအရ ခြိမ်းခြောက် မှု တွေရှိတယ် စတဲ့ သတင်းသမားရဲ့ အခက်အခဲ တွေကို ဆွေးနွေး အဖြေ ရှာဖို့ လိုတယ် ” ဟု ပို့ကုန်သွင်းကုန် ဥပဒေဖြင့် လက်ရှိ တရားစွဲ ဆိုခံရ သော DVB လားရှိုးသတင်းထောက် ကိုခွန်ဇော်ဦးက ပြောသည် ။

Photo SHAN- သျှမ်းပြည်နယ် အတွင်းရှိ သတင်းမီဒီယာသမားများ တွေ့ဆုံဆွေးနွေးပွဲ ကျင်းပ

အစိုးရသစ်လက်ထက်တွင် သတင်းသမားများအပေါ် တရားစွဲဆိုထားသော အမှုပေါင်း ၃၆ မှုရှိပြီးသတင်းသမားများ ၅၂ ဦးတရားတရား ရင်ဆိုင်နေရ ကြောင်း လွတ်လပ်စွာ ပြောဆိုခြင်း မြန်မာ ၏ အစီရင်ခံစာ တွင်ပါရှိကြောင်းသိရသည် ။

ဢုပ်ႇဢူဝ်း ၽူႈတွႆႇႁွၵ်ႈ

SHARE