တောင်သူလယ်သမားများ အခွင့်အရေးအတွက်ရည်ရွယ်ကာ ကွန်ဟိန်းမြို့နယ်တောင်သူလယ်သမားအဖွဲ့ ဖွဲ့စည်းခဲ့ကြောင်းသိရသည်။
ဖေဖော်ဝါရီလ ၁၇ နှင့် ၁၈ ရက်နေ့က သျှမ်းပြည်တောင်ပိုင်း ကွန်ဟိန်းမြို့ရှိ မိုင်းပန်ခန်းမတွင် တောင်သူလယ်သမားအခွင့် အရေးဆိုင်ရာတွေ့ဆုံဆွေး နွေးပွဲကျင်းပခဲ့ပြီး တောင်သူ ရာကျော်ခန့်ပါ၀င်သည့် ” ကွန်ဟိန်း မြို့နယ် တောင်သူလယ်သမားအဖွဲ့ ” ဖွဲ့စည်းနိုင်ခဲ့ ပါသည်။
ဒေသခံတောင်သူများနှင့် သက်ဆိုင်ရာဒေသတွင်း အာဏာရှိသူများ စေ့စပ် ဆွေး နွေးခြင်းဖြင့် တောင်သူလယ်သမားများ၏ အခွင့်အရေး အခွင့်အလမ်း များ ပေါ်ပေါက်လာစေရန်နှင့် ဒေသခံတောင်သူများ၏ အခက်အခဲ ပြဿနာ များကို ဖော်ထုတ်တတ်လာစေရန် ရည်ရွယ်၍ အဆိုပါဆွေးနွေး ပွဲကျင်းပ ရခြင်း ဖြစ်ကြောင်း ကျွန်းတစ်ထောင်မြေ ဖောင်ဒေး ရှင်းမှ နန်းဝါနုကပြောသည် ။
ဆွေးနွေးပွဲ သို့အစိုးရဌာန ၊ လွှတ်တော်ကိုယ်စားလှယ်များ ၊ ဒေသအာဏာ ပိုင်များ ၊ လူထုအခြေပြုအဖွဲ့ အစည်းများ နှင့် ကျေးရွာ (၃၂) ရွာမှဒေသခံ တောင်သူ ၁၀၈ ဦးခန့်တက်ရောက်ဆွေးနွေး ခဲ့ကြောင်းသိ ရသည် ။