သျှမ်းပြည်နယ် မြောက်ပိုင်း မူဆယ် မြို့ စွမ်စော် ရပ်ကွက်တွင် မိုးသည်းထန်ရွာသွန်းမှုကြောင့် ရေများရုတ်ချည်းတက်ကာ ဒေသခံလူထု စိုးရိမ်ထိတ်လှန့်ခဲ့ရကြောင်းသိရသည်။
ဇွန်လ ၂၃ ရက် မနက်ပိုင်းက မိုးသည်းထန်စွာရွာသွန်းမှုကြောင့် စွမ်စော် ရပ်ကွက် မြေနိမ့်ပိုင်း လူနေအိမ် အတွင်း ရေများဝင်ရောက်ခြင်း၊ ကားလမ်းများပေါ်တွင် ရေများလွှမ်းမိုးကြောင့် သွား၊လာမှု ခက်ခဲ နေကြောင်း မူဆယ်မြို့ စွမ်စော် ဒေသခံ များ က ပြောသည်။
“ဒီလို တခါ မှ ရေမကြီးဖူးဘူး။ အခု အိမ်ထဲထိ ရေဝင်တယ်။ အဓိက ရေထွက်ပေါက် လမ်း တွေ ပိတ်ဆို့။လူနေအိမ် တွေ စည်းကမ်းမဲ့ ဆောက်နေလို့ပါ ။ ရေက ရုတ်ချည်းတက်လာပြီး ခနနေတော့ ပြန်ကျသွားပါတယ် ” ဟု စွမ်စော် ဒေသခံ အမျိုးသား တဦးကပြောသည်။
ထိုနည်းတူ သျှမ်းမြောက် နမ့်ခမ်းတွင်လည်း ဇွန်လ အတွင်း ရေကြီးမှု ဖြစ်ပွားခဲ့သေးသည်။