သျှမ်းပြည်တောင်ပိုင်း လွိုင်လင်ခရိုင် ပင်လုံမြို့ ရှိ အခြေခံပညာအထက်တန်းကျောင်းတွင် နှစ်ပေါင်း ၄၀ အတောအတွင်း ပညာဆည်းပူးခဲ့ရသော ကျောင်းသူ/သား ဟောင်းများ ဦးဆောင်ကာ အာစရိယ ပူဇော်ပွဲ ကျင်းပသွားမည်ဖြစ်ကြောင်း သိရသည်။

၁၉၇၇ ခုနှစ်မှ ၂၀၁၈ ခုနှစ်ထိ အထက ကျောင်းတွင် ပညာသင်ယူခဲ့သော ကျောင်းသား/သူ ဟောင်း နှင့် ဆရာ/မ အားလုံး အာစရိယပူဇော်ပွဲတွင် ပါဝင် နိုင်ရေးအတွက် လုပ်ဆောင် သွားမည်ဖြစ်ကြောင်း သိရသည်။

“ကျောင်းသားဟောင်းတွေ အကုန်လုံးပါဝင်လာတယ်၊ ဝမ်းသာဂုဏ်ယူတယ်၊ အထက ဆိုတာကလည်း အရင်ခေတ်က ပင်လုံတစ်မြို့လုံးရဲ့ တစ်ခုတည်းသော အထက ကျောင်း ၊ ပင်လုံ တစ်မြို့လုံးရဲ့ကျောင်းလို့ ပြောနိုင်သလို ကျောင်းသားကျောင်းသူ ဟောင်းကလည်း တစ်မြို့လုံး နီးပါးရှိနေတာပေါ့နော်။အဲတာကြောင့် ကြီးကျယ်ခမ်းနားစွာ လုပ်ချင်တဲ့ ရည်ရွယ်ချက် နဲ့ အာစရိယပူဇော်ပွဲ ဖြစ် စေချင်တယ်” ဟု ပင်လုံဒေသခံလည်းဖြစ် ၁၉၈၁ က ကျောင်းသားဟောင်း လည်းဖြစ်သည့် စိုင်းသီဟအုန်းမြင့် ကပြောသည်။

လက်ရှိတွင် ပင်လုံမြို့၌ အခြေခံ ပညာအထက်တန်းကျောင်း ၃ ကျောင်း ရှိပြီသည်။

အာစရိယ ပူဇော်ပွဲ ဖြစ်မြောက်ရန်အတွက် ဦးဆောင်ကော်မတီများ တလတကြိမ် တွေ့ဆုံဆွေးနွေး သွားမည်ဖြစ်ပြီး လာမည့် ၂၀၂၀ ဧပြီလ တတိယအပတ်တွင်ကျင်းပပြုလုပ် ရန်စီစဉ်ထားကြောင်း ပင်လုံမြို့ဒေသခံလည်းဖြစ် ၁၉၈၁ ကျောင်းသားဟောင်းလည်းဖြစ်သည့် စိုင်းနောင့် ကပြောသည်။

“ပင်လုံမြို့ အခြေခံ ပညာအထက်တန်းကျောင်း ပထမအကြိမ် အာစရိယပူဇော်ပွဲ စည်စည်ကားကား သိုက်သိုက်ဝန်းဝန်းနဲ့ ဖြစ်မြောက်အောင် ရပ်ဝေးရောက်နေတဲ့ သူငယ်ချင်း အားလုံး ကျောင်းသားသူ အားလုံး နှစ်လဲ မခွဲခြား ကျောင်းသားအားလုံး ဘာသာလူမျိုး အဆင့်တန်းမခွဲခြားပဲနဲ့ အကုန်လုံး ဝိုင်းဝန်းပါဝင်နိုင်အောင် တစ်ယောက်မကျန် ပါဝင်ဆင်နွဲနိုင်အောင် ဆက်သွယ်ပြီးတော့မှ အားဖြည့်လှုပ်ရှားပေးကြပါလို့ တိုက်တွန်းချင်ပါတယ်” ဟု ၁၉၈၆ က ကျောင်းသူဟောင်း နန်းနွန်းမို ကပြောသည်။

အာစရိယပူဇော်ပွဲ ပြုလုပ်ရခြင်း၏ ရည်ရွယ်ချက်သည် ၂၀၂၅ ခုနှစ်တွင် ပင်လုံအခြေခံပညာအထက် တန်းကျောင်း နှစ်တစ်ရာပြည့်အခမ်းအနားကို စည်ကားသိုက်မြိုက်စွာ ကျင်းပပြုလုပ်နိုင်ရန် နှင့် ဝေးကွာနေသော ကျောင်းသူ ကျောင်းသားများအချင်းချင်း ရင်းနှီး နွေးထွေးစွာ ပြန်လည် တွေ့ဆုံ နိုင်စေရန်၊ ဝေးကွာ နေသော ဆရာ/မ များ နှင့် ကျောင်းသူ
ကျောင်းသားဟောင်း များ ရင်းနှီး နွေးထွေးစွာတွေ့ဆုံ ဂါရဝ ပြု နိုင်ရန်၊ စာရင်း ဇယား အချက် အလက်များကို မျို းဆက်လူငယ် များသို့ လက်ဆင့် ကမ်းပြီး နောင်ကာလ
များတွင်လည်း လုပ်ဆောင်မှုများပိုမိုလွယ်ကူ အဆင်ပြေ စေရန် ရည်ရွယ် ကြောင်း သိရသည်။

အခြေခံ ပညာအထက်တန်းကျောင်း အထက ( တောင်ကျောင်း) တွင် ပညာသင်ယူခဲ့ဖူးသော ကျောင်းသား ကျောင်းသူများအားလုံးကို ငွေအားဖြင့်သော်လည်းကောင်း လူအားဖြင့်သော်လည်းကောင်း ပါဝင် စေလိုကြောင်း နှင့် လှူဒါ န်းနိုင်ရန်အတွက် ဘဏ်အကောင့်ဖွင့်ထားကြောင်း စိုင်းနောင့် ကပြောသည်။