သျှမ်းပြည်နယ် အစိုးရအဖွဲ့၏ပြည်သူ့အတွက် တတိယနှစ် (၁) နှစ်တာကာလအတွင်း ဆောင်ရွက်ခဲ့မှုများ နှင့်ပတ်သက်၍ သတင်းစာရှင်းလင်းပွဲတရပ်ကို တောင်ကြီးမြို့ ၊ မြို့တော်ခန်းမတွင်ကျင်းပခဲ့ပြီး သတင်းမီဒီ ယာတစ်ခုလျှင် သိလိုသည့်မေးခွန်း ၃ ခုသာမေးမြန်းခွင့်ပြုခဲ့သည် ။

ဇွန်လ ၁၄ ရက်နေ့တွင်ကျင်းပခဲ့သောအဆိုပါသတင်းစာရှင်းလင်းပွဲသို့ သျှမ်းသံတော်ဆင့်မှလည်းတက်ရောက်ခဲ့ရာ သျှမ်းပြည်နယ်အစိုးရအဖွဲ့အတွင်း အဂတိလိုက်စားမှုဖြင့် တိုင်ကြားခံထားရ သည့် ၀န်ကြီးတစ်ဦး အားသျှမ်းပြည်နယ်အစိုးရအဖွဲ့မှ မည်သို့ စီစဉ်ဆောင်ရွက် နေကြောင်း  မေးမြန်းခဲ့ရာ သျှမ်းပြည်နယ်ဝန်ကြီးချုပ်ဒေါက်တာလင်းထွဋ်က-

“ တိုင်ကြားခြင်းခံရတာတော့ ဟုတ်ပါ တယ် ။ ဒါပေမဲ့ အဂတိ လိုက်စားတာမဟုတ်တဲ့အ တွက် အဂတိ လိုက်စားမှု တိုက်ဖျက် ရေးကော်မရှင်ကနေ ကျနော်တို့ကိုသီးခြား စုံစမ်းစစ်ဆေး ဖို့ ဆောင်ရွက် ပါဆိုပြီး ညွှန်ကြားလာတယ် ၊ ကျနော်တို့ကလည်း သက်ဆိုင်ရာ လုပ်ထုံး လုပ်နည်း ညွှန်ကြားချက်တွေအတိုင်း စုံညီခုံရုံးဖွဲ့ပြီး စစ်ဆေးလို့ ပြီးပါပြီ မကြာခင် ကျနော်တို့ တရားဝင်ထုတ်ပြန်မှာဖြစ်ပါတယ် ။ လုပ်မှားကိုင်မှား လေးပဲဖြစ်ပါတယ် အဂတိလိုက် စားတာမဟုတ်ပါဘူးလို့ ၊ ကျနော်ဒီနေရာကနေဖြေ ကြားလိုပါတယ် ” ဟု ပြန်လည် ဖြေကြားခဲ့သည် ။

အင်းလေးကန်ဇုန်ဝင်ကြေးကောက်ကခံမှု အတွက် ၂၀၁၇ – ၂၀၁၈ ခုနှစ်က တင်ဒါ ခေါ်ယူရာတွင် သတ်မှတ်စည်းကမ်းများအတိုင်းချိုးဖောက်၍ တင်ဒါရရှိသူ နှင့် သျှမ်းပြည် နယ် အစိုးရအဖွဲ့ကြား တင်ဒါစည်းကမ်းများ ပြင်ဆင်ဆောင်ရွက်ခဲ့သည်ဟုဆို ကာ သျှမ်းပြည် နယ်အစိုးရအဖွဲ့ဝင် (ယခင် ဘဏ္ဍာရေးဝန်ကြီး )ယခုလျှပ်စစ် စွမ်းအင်နှင့် စက်မှုဝန်ကြီး ဦးစိုင်းရှဲန်တစ်လုံ အား Save the Inlay lake မှ အတွင်းရေးမှူး ဦးညီညီထွန်းက အဂတိလိုက်စားမှု တိုက်ဖျက်ရေးကော်မရှင်သို့ မတ်လ(၂၉) ရက်နေ့က တိုင်ကြားထားရကြောင်းသိရှိရသည် ။