ချက်သမ္မတနိုင်ငံတွင် ပြန်လည်ဖွင့်လှစ်မည့် မြန်မာသံရုံး အတွက် နိုင်ငံခြားရေး ဝန်ကြီးဌာန မဟာဗျူဟာ လေ့လာရေး နှင့် လေ့ကျင့်ရေး ဦးစီးဌာန မှညွှန်ကြားရေးမှူးချုပ် ဒေါ်ကေသီစိုး အား မြန်မာနိုင်ငံ တော် သံအမတ်ကြီး အဖြစ် ခန့်အပ်လိုက်ကြောင်း ဇွန် ၆ ရက် တွင် အစိုးရ မှ ကြေညာချက်ထုတ်လိုက်သည်။
ချက်သမ္မတနိုင်ငံဆိုင်ရာ အထူး အာဏာကုန်လွှဲအပ်ခြင်းခံသော ပြည်ထောင်စု သမ္မတ မြန်မာနို်င်ငံတော် သံအမတ်ကြီး ဒေါ်ကေသီစိုးသည် မြန်မာနိုင်ငံ၏ ပဥ္စမမြောက် အမျိုးသမီး သံအမတ်ကြီး အဖြစ် သမိုင်းဝင်ခဲ့သည်။
ဒေါ်ကေသီစိုးသည် နိုင်ငံရေးရာ ဦးစီးဌာန ၏ ဥရောပ ဌာနခွဲ ညွှန်ကြားရေးမှူး၊ အီတလီ နိုင်ငံ မြန်မာသံမှူးကြီး ရာထူးများကိုလည်း ယခင်တွင် တာဝန်ထမ်းဆောင်ခဲ့ဖူးကြောင်း သိရသည်။
မြန်မာ အမျိုးသမီး သံအမတ်ကြီး အနေဖြင့် ယခင်တွင် တာဝန်ထမ်းဆောင်ခဲ့ဖူးသူများမှာ ဗိုလ်ချုပ် အောင်ဆန်း၏ဇနီး၊ နို်င်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ၏ မိခင် ဒေါ်ခင်ကြည်(အိန္ဒိယ)၊ ဒေါ်ယဉ်ယဉ်မြင့်(ဂျာမနီ)၊ ဒေါ်မော်မော်(နော်ဝေ)နှင့် ဒေါ်အိအိခင်ဧ (အင်ဒိုနီးရှား) တို့ဖြစ်သည်။
