“ ဝ” ပြည် သွေးစည်းညီညွတ်ရေး တပ်မတော် UWSA အနေဖြင့် အစိုးရ နှင့် တပ်မတော်ကို ယှဉ်ပြိုင် ရန် သဘောမရှိ ဟု ဇွန် ၄ ရက်စွဲ ဖြင့် ကြေငြာချက်တစောင်ထုတ်ပြန်ထားပါသည်။
“ဝ” ပြည်နယ် ငြိမ်းချမ်းရေး တည်ဆောင်ခြင်း နှစ် (၃၀)ပြည့် အထိမ်းအမှတ်အနေဖြင့် ဧပြီ ၁၇ ရက်နေ့တွင် ကျင်းပခဲ့ရာတွင် စစ်ရေး ပြအခမ်းအနားကို ထည့်သွင်း ကျင်းပခဲ့သည်။
ထိုကျင်းပခြင်းသည် အစိုးရ နှင့် တပ်မတော် ကို ယှဉ်ပြိုင်သည့် သဘောမျိုးမရှိကြောင်း၊ သမိုင်းစဉ်ဆက်အရ မြန်မာနိုင်ငံရှိ လက်နက်ကိုင် အဖွဲ့အစည်းများသည် မိမိတို့၏ အရေးကြီးသည့် ပွဲတော်များကို ဂုဏ်ပြုရာတွင် အလားတူ စစ်ရေး ပြအခမ်းအနာ ကျင်းပခြင်းဖြစ်ကြောင်း ထုတ်ပြန်ချက်တွင် ရေးသားထားသည်။
ထိုကိစ္စ နှင့် ပတ်သတ်ပြီး အစိုးရ၊ တပ်မတော် နှင့် ပြင်ပ များအနေဖြင့် အတွေးမလွန်ရန်လည်း ဖော်ပြရေးသားထားသည်။
ဇွန် ၂ရက်နေ့တွင် “ ဝ” ပြည်နယ် ငြိမ်းချမ်းရေး တည်ဆောက်မှု နှစ် (၃၀) ပြည့် ပွဲတော် အခမ်းအနား နှင့်ပတ်သတ်ပြီး မီဒီယာများ မေးမြန်းမှု အပေါ် ထပ်မတော် သတင်းမှန် ပြန်ကြားရေး ကော်မတီ ဥက္ကဌ ဗိုလ်ချုပ် စိုးနိုင်ဦး က “ ဝ” ၏ စစ်ရေး ပြ အခမ်းအနားသည် စင်ပြိုင်အစိုးရ၊ စင်ပြိုင် တပ်မတော်သဘာမျိုးဖြစ်နေသဖြင့် လက်မခံနို်င်ကြောင်း၊ တပ်မတော် အနေဖြင့် ငြိမ်းချမ်းရေး လိုလားသဖြင့် တစုံတရာ မတုန့်ပြန်ခြင်းဖြစ်ကြောင်း ဖြေကြားခဲ့သည်။
ထို့ပြင် ဗိုလ်ချုပ် ထွန်းထွန်းညီ ကလည်း “ တပ်မတော်ဘက် ကနေ အစွမ်းကုန် သည်းခံထားတယ်။ သည်းခံ တယ်ဆိုတာ ကလည်း အတိုင်းအတာ တခုရှိတယ်” ဟု ဖြေကြားခဲ့သည်။
အဆိုပါ ကိစ္စ နှင့် ပတ်သတ်ပြီး တပ်မတော် ၏ဆီလျော်မှု မရှိသော ပြောဆိုမှု သည် ၎င်း တို့၏ အစိတ်အပိုင်း ကဏ္ဍသာဖြစ်ပြီး၊ “ ဝ” ပြည်နယ် အနေဖြင့် တပ်မတော် ကို ရန်သူ လို သဘောမထားကြောင်း၊ တခြား တိုင်းရင်းသား လက်နက်ကိုင် အဖွဲ့အစည်းများကိုလည်း ရန်သူ လို သဘောမထားကြောင်း UWSA ၏ ထုတ်ပြန်ချက်တွင် ဖော်ပြထားသည်။
“ ပြည်ထောင်စု မှ ခွဲမထွက်ရေး။ လွတ်လပ်ရေး မတောင်းဆိုရေး “ ဝ”ပြည်နယ် သည် ပြည်ထောင်စု ၏ အရေးပါသော အစိတ်အပိုင်း တခုဖြစ်ရေး ဆိုသည့် “ ဝ” ပြည်နယ် ၏ သဘောထားရပ်တည်ချက်ကို လည်း ဖော်ပြထားသည်။
Leave a Comments