တောင်ကြီးတွင် “ ကမ္ဘာ့ ပတ်ဝန်းကျင် ထိန်းသိမ်းရေးနေ့” အထိမ်းအမှတ် သစ်ပင် ၆၀၀ ကျော် စိုက်

0

သျှမ်းပြည် တောင်ပိုင်း တောင်ကြီးမြို့ တွင် ဇွန် ၅ ရက်နေ့ကကျရောက်သည့် “ကမ္ဘာ့ ပတ်ဝန်းကျင်ထိန်းသိမ်းရေး နေ့ ” ၌ သစ်ပင်ပေါင်း ၆၀၀ ကျော်ကို ဗုဒ္ဓ တက္ကသိုလ် တွင် စိုက်ပျိုးခဲ့ကြောင်း သတင်းရရှိသည်။

Photo Credit to သစ်ပင်ချစ်သူများ-Taunggyi – “ကမ္ဘာ့ ပတ်ဝန်းကျင်ထိန်းသိမ်းရေး နေ့ ” ၌ သစ်ပင်ပေါင်း ၆၀၀ ကျော်ကို ဗုဒ္ဓ တက္ကသိုလ် တွင် စိုက်ပျိုးခဲ့ကြသည့် သစ်ပင်ချစ်သူများ၏ပုံရိပ်

အဆိုပါ သစ်ပင် စိုက်ပျိုးသည် အဖွဲ့များမှာ သစ်ပင်ချစ်သူများ(တောင်ကြီး) အဖွဲ့ နှင့် အတူ FOF CSR (Innlay)၊ Our Lovely World အဖွဲ့ ၊ ကျွန်းတထောင် ဖောင်ဒေးရှင်း အဖွဲ့အပြင် အခြား အဖွဲ့ ၃ဖွဲ့ ပါ ပူးပေါင်း စိုက်ပျိုးခဲ့ကြောင်း သိရသည်။

ထို့ပြင် တောမီးမရှို့၊ အပင်မခုတ်သည့် နေရာများတွင်လည်း ဆက်လက် စိုက်ပျိုးသွားကြမည် ဟုသိရသည်။

လူတိုင်း တဦးစီ အနည်းဆုံး အပင် တပင်စီ စတင်စိုက်ကြပြီး၊ မိမိထိန်းနိုင်သည့်နေရာ ဘုရားကျောင်း၊ ဘုန်းကြီးကျောင်း ၊ စေတီ၊ စာသင်ကျောင်းစသည့် နေရာများတွင် တနိုင် တပိုင် စလိုက်ကြရန် သစ်ပင်ချစ်သူများ( တောင်ကြီး ) အဖွဲ့ ကပြောဆိုလိုက်သည်။

၂၀၁၉ ခုနစ် ဇွန် ၅ ရက်နေ့ ကျရောက်သည့် ကမ္ဘာ့ပတ်ဝန်းကျင်ထိန်းသိမ်းရေးနေ့တွင် ကမ္ဘာ တဝန်း ရင်ဆိုင်နေရသည့် “ Air Pollution ” “ လေထု ညစ်ညမ်းမှု” သည် ပတ်ဝန်းကျင် ဆိုင်ရာ စိန်ခေါ်မှု တရပ်ဖြစ်နေသည်။

ယခုနှစ် “ ကမ္ဘာ့ ပတ်ဝန်းကျင် ထိန်းသိမ်းရေး နေ့” ဆောင်ပုဒ် အနေဖြင့် “ Clearing the Air, Combatting the Air Pollution” “သန့်စင်သော လေ ရှုရှိုက်ဖို့၊ လေထုညစ်ညမ်းမှု တိုက်ဖျက်စို့” ဖြစ်သည်။

သျှမ်းပြည်နယ် တွင်“ လေထု ညစ်ညမ်းမှု” မှာ တနှစ်ထက် တနှစ် ပိုမို များလာပြီး၊ တောတောင် ဖျက်ဆီးမှုလည်း ပိုမိုများလာနေပါသည်။

ဢုပ်ႇဢူဝ်း ၽူႈတွႆႇႁွၵ်ႈ

SHARE