အမျိုးသမီးများဖွံ့ဖြိုးတိုးတက်ရေးဆိုင်ရာ အမျိုးသားအဆင့် မဟာဗျူဟာ စီမံကိန်း (NSPAW) ရှင်းလင်းမှု မရှိ ဝေဝါးနေ အမျိုးသမီးများအဖွဲ့ချုပ် (မြန်မာနိုင်ငံ) WLB ပြော

0

အမျိုးသမီး များဖွံ့ဖြိုးတိုးတက်ရေး ဆိုင်ရာ၊ အမျိုးသားအဆင့် မဟာဗျူဟာ စီမံကိန်း (NSPAW) သည် ရှင်းလင်းမှုမရှိ ဝေဝါးနေသည်ဟု အမျိုးသမီးများအဖွဲ့ချုပ် (မြန်မာနိုင်ငံ) WLB က ပြောဆိုလိုက်သည်။

Photo Credit to WLB- အမျိုးသမီးများဖွံ့ဖြိုးတိုးတက်ရေး အတွက် အလားအလာ NSPAW သုံးသပ်ချက် စာတမ်း ကို အမျိုးသမီးများအဖွဲ့ချုပ် (မြန်မာနိုင်ငံ) WLB က မေ ၂၁ရက် တွင် ရန်ကုန်မြို့ Green Hill ဟိုတယ်တွင် ကျင်းပပြုလုပ်

အမျိုးသမီးများဖွံ့ဖြိုးတိုးတက်ရေး အတွက် အလားအလာ NSPAW သုံးသပ်ချက် စာတမ်း ကို အမျိုးသမီးများအဖွဲ့ချုပ် (မြန်မာနိုင်ငံ) WLB က မေ ၂၁ရက် တွင် ရန်ကုန်မြို့ Green Hill ဟိုတယ်တွင် ကျင်းပပြုလုပ်ခဲ့သည်။

NSPAW ပါ အချက်အလက်များသည် ရည်မှန်းချက် ကြီးမားသော်လည်း အကောင်အထည် ဖော်ဆောင်ရွက်ရန် နှင့် အဓိပ္ပာယ်ပြည့်ဝသည့် အကဲဖြတ် သုံးသပ်ရန် စံချိန် စံနှုန်း သတ်မှတ်ချက် ရှင်းလင်းတိကျစွာ မရှိဘဲ ဝေဝါးနေသည် ဟု WLB ၏ အစီရင်ခံစာတွင် ဖော်ပြထားသည်။

“ NSPAW က ရှင်းလင်းမှု မရှိ ဝေးဝါးနေပါတယ်။ အမျိုးသမီး ဖွံ့ဖြိုးရေး လုပ်ဖို့အတွက် အကန့်အသတ် ဥပဒေဘောင်ကနေ လုပ်ရတဲ့အတွက် ရှေ့ကို မရောက်တဲ့ဟာ တွေ့ရတယ်” ဟု WLB ၏ အထွေထွေ အတွင်းရေးမှူး နော်ဆဲဆဲ က ပြောကြားခဲ့သည်။

အဆိုပါ စာတမ်း သုံးသပ်ချက်တွင် ၂၀၀၈ ဖွဲ့စည်းပုံ အခြေခံဥပဒေပေါ်တွင် မှီငြမ်းထားသည့် NSPAW ပြသနာများ၊ NSPAW ၏ အကောင်အထည်ဖော်မှု နှင့်တာဝန်ခံမှု ဆိုင်ရာ ပြသနာများ နှင့် အမျိုးသမီး၊ ငြိမ်းချမ်းရေး နှင့် လုံခြုံရေး ဆိုင်ရာ NSPAW ၏ အသေးစိတ် ပြသနာများပါဝင်ကြောင်းသိရသည်။

Photo Credit to WLB- အမျိုးသမီးများဖွံ့ဖြိုးတိုးတက်ရေး အတွက် အလားအလာ NSPAW သုံးသပ်ချက် စာတမ်း ကို အမျိုးသမီးများအဖွဲ့ချုပ် (မြန်မာနိုင်ငံ) WLB က မေ ၂၁ရက် တွင် ရန်ကုန်မြို့ Green Hill ဟိုတယ်တွင် ကျင်းပပြုလုပ်

NSPAW ကို ၂၀၁၃-၂၀၂၂ ခုနစ်အတွင်း နိုင်ငံအတွင်းရှိ အမျိုးသမီး များ၏ လူ့အခွင့်အရေးများကာကွယ်မြှင့်တင်ရန်ခံယူချက် များကို ပုံဖော် ထား၍ “ ခြံုငုံပြည့်စုံသည်” ဟု ကြွေးကြော်ထားသည့် ၁၀ နှစ်စာ အမျိုးသားအဆင့် စီမံကိန်းဖြစ်သည်။

မြန်မာ နိုင်ငံအစိုးရမှ ၂၀၁၃ ခုနှစ် အောက်တိုဘာ ၃ ရက်တွင် စတင်မိတ်ဆက်ခဲ့သည်။

NSPAW ကို လူမှု ဝန်ထမ်း ကယ်ဆယ်ရေး နှင့် ပြန်လည်နေရာချထားရေး ဝန်ကြီးဌာန၏ အစိတ်အပိုင်း တရပ်ဖြစ်သော လူမှု ဝန်ထမ်း ဦးစီးဌာန အောက်တွင် တရားဝင်ဆောင်ရွက်နေသည်။

“ ၁၀ နှစ် သာ ရေးဆွဲတဲ့ NSPAW ဟာ အခုဆို ၆ နှစ် ရှိသွားတယ်။ အစည်းအဝေးသွားတာပဲ သိတယ်။ ဘာလုပ်နေလဲ လို့ မေးရင် တိကျမသိခဲ့ဘူး။ဒါအပြင် ကျေးလက်နေ အမျိုးသမီးတွေ မသိဘူး။ မြို့ ပေါ်က အမျိုးသမီးတွေက စမသိဘူူး။ အ တို်းအတာ အရ ပြောရင် ဒီစာအုပ် အကြီးကြီးစီမံကိန်း ရှိပေမယ့် စာအုပ်ရော နာမည်ရော မကြားဖူးတာ ရှိပါတယ်” NSPAW စီမံကိန်းနှင့် ပတ်သတ်ပြီး သံတောင်သူ အမျိုးသမီး အဖွဲ့ မှ ဒေါ်နော်မာမာချို က စာအုပ်မိတ်ဆက်ပွဲတွင် ပြောကြားခဲ့သည်။

NSPAW တွင် “အမျိုးသမီး များနှင့် လက်နက်ကိုင် ပဋိပက္ခများ” အစား “ အမျိုးသမီးများနှင့် အရေးပေါ် အခြေအနေများ” ဆိုသည့် ခေါင်းစဉ်ပေးခြင်းသည် အစိုးရ အနေဖြင့် မြန်မာနိုင်ငံအတွင်း ဖြစ်ပွားနေသည့် လက်နက်ကိုင် ပဋိပက္ခ ကို အသိအမှတ်မပြုဘဲ ကျား- မ အခြေပြုအကြမ်းဖက်မှု နှင့် ခွဲခြားဆက်ဆံမှုကို လစ်လျူရှုထားကြောင်း  စာတမ်းတွင် ဖော်ပြထားသည်။

ထို့ပြင် NSPAW သည် ၂၀၀၈ ဖွဲ့စည်းပုံ အခြေခံဥပဒေ၊ ပြည်တွင်းစစ်ပဋိပက္ခ၊တပ်မတော် ၏ အာဏာဆက်လက်လွှမ်းမိုးနေမှု နှင့် ခေတ်နှင့် လျောညီထွေးမှု မရှိသည့် ဥပဒေများနှင့် တရားဥပဒေ ဆိုင်ရာ မူဘောင်များ အပါအဝင် ကျား၊မ တန်းတူရေး ဖော်ဆောင်မှုကို နှောက်ယှက် ဟန့်တားနေသည့် အတားအဆီးများ ကိုယ်တွင် ဖြေရှင်းရန် ပျက်ကွက်နေသည် ဟုလည်း ၎င်း စာတမ်းတွင် ထောက်ပြထားသည်။

NSPAW သည် အခြေခံသဘောတရားအနှစ်သာရ နှင့် လုပ်ငန်းအကောင်အထည်ဖော်မှုတွင် ကြီးမားသည့် အားနည်းချက်များနှင့် ပြည့်နှက်နေကြောင်း WLB သုတေသန စာတမ်းတွင် သုံးသပ်ရေးသားထားသည်။

ဢုပ်ႇဢူဝ်း ၽူႈတွႆႇႁွၵ်ႈ

SHARE