သတင်းမီဒီယာလွတ်လပ်ခွင့်အပေါ်သတင်းသမားများ၏ စိုးရိမ်ပူပန်မှုများ၊ လက်ရှိ စိန်ခေါ်မှုများ နှင့် ပြုပြင်ပြောင်းလဲလိုမှုများကို လွတ်လပ်စွာထုတ်ဖော်ပြောဆိုခြင်းအဖွဲ့ မြန်မာ Free Expression Myanmar က တောင်ကြီးမြို့ ရှိ နယ်ခံသတင်းသမားများနှင့် တွေ့ဆုံ၍ စစ်တမ်းကောက် ယူမှုများ ပြုလုပ်ခဲ့ပါသည် ။
” ဒီက ဂျာနယ်လစ် သတင်းသမားတွေရဲ့ ဒီမီဒီယာလွတ်လပ်ခွင့် အပေါ်မှာ ဘာတွေစိုးရိမ် သောက တွေရှိနေလဲ၊ သူတို့ဘာတွေပြုပြင် ပြောင်းလဲ ချင်သ လဲ ဆိုတာ ကို စစ် တမ်းလာကောက်ရ ခြင်းဖြစ် တယ် ။ ရည်ရွယ်ချက် ကတော့ စစ်တမ်းက ရလာတဲ့အချက်အလက်တွေကို အစိုးရတွေဆီပေးပို့မယ်။ ဒီဥပဒေ နဲ့ပေါ်လစီ တွေကို ပြုပြင်ပြောင်းလဲပေး နိုင်တဲ့အစိုးရထံကို ကျမတို့က ချိတ်ဆက် ပြီးတော့ ပြောဆိုတဲ့အခါမှာ ၊ Advocacy လုပ်တဲ့အခါ မှာ သက်သေတွေ ရဖို့အတွက်ပြုလုပ်ရခြင်းဖြစ် ပါတယ် ” ဟု စစ်တမ်းကောက် ရသည့် ရည်ရွယ်ချက်ကို Free Express Myanmar မှ Program Manager ဒေါ်ယဉ်ရတနာသိန်းက ရှင်းပြသည် ။
တောင်ကြီးမြို့ခံသတင်းသမားများအနေဖြင့်သတင်းလွတ်လပ်ခွင့်နှင့် လက်ရှိကြုံတွေ့နေရသော စိန်ခေါ်မှုမှာ ပြည်နယ် အစိုးရ၏လုပ်ဆောင်များအား သတင်းရယူရာတွင် အခက်အခဲရှိနေပြီး သျှမ်းပြည်နယ်လွှတ်တော်အတွင်း မီဒီယာများခွဲခြား ဆက်ဆံခြင်းများရှိနေကြောင်း တောင်ကြီး သတင်းများကပြောသည် ။
” သတင်းလွတ်လပ်ခွင့်နဲ့ပတ်သက်ပြီးသတင်းသမားတွေအပေါ်ပုဒ်မ ၆၆(ဃ) နဲ့ အရေး ယူနေတာ တွေ အသရေဖျက်မှုလိုဟာမျိုးတွေ မတရားသင်း ဆက်သွယ်တဲ့ပုဒ်မ ၁၇(၁) လို မျိုးတွေ အင်္ဂလိပ် ခေတ်ကတည်း ကရေးဆွဲခဲ့တဲ့ လျှို့ဝှက်အက် ဥပဒေလို ဟာမျိုးတွေ အဓိက အားဖြင့် သတင်းသမား တွေကို ခြိမ်းခြောက် နှိပ်ကွပ်နေတဲ့ ရာဇသတ်ကြီး ပုဒ်မ တွေ။ အင်္ဂလိပ်ခေတ်က ရေးခဲ့တဲ့ အက်ဥပဒေ တွေတချို့ ပယ်ဖျက်သင့်သလို တချို့ ပြင်ဆင် ရေးဆွဲသင့်ပါတယ် ။ တကယ်တမ်း ဖြစ်လာတော့ ဘယ်သူမှ မကယ်နိုင်ဘူး။ သတင်းသမားတွေ အတွက် အာမခံချက် နည်းနေတယ် ။ ” ဟု တောင်ကြီးသတင်းထာက်များအသင်း TJA မှ ကိုစည်သာဟိန်းကပြောသည် ။
အဆိုပါ တွေ့ဆုံပွဲကို ဖော်ဖော်ဝါရီ ၁၃ နေ့က Heart Beat Restaurant တွင် ကျင်းပခဲ့ပါသည် ။
